భారీ అంచనాల మధ్య వచ్చిన ‘దేవర’ సినిమా బాక్సాఫీస్ దండయాత్ర చేసింది. ప్రపంచవ్యాప్తంగా ఈ సినిమాకు మాత్రం భారీ కలెక్షన్స్ వచ్చాయి. ఎన్టీఆర్ హీరోగా నటించిన ‘దేవర’ మూవీ అటు ఓటీటీలో కూడా అద్భుతంగా అదరగొడుతోంది. ప్రముఖ ఓటీటీ ప్లాట్‌ ఫామ్ నెట్ ఫ్లిక్స్‌ లో ఈ సినిమా నంబర్ వన్ ట్రెండింగ్‌లో నిలవడం విశేషం. రోజురోజుకు ఓటీటీ ప్రేక్షకులను ఈ చిత్రం చాలా ఆకట్టుకుంటుంది.
కొరటాల శివ తెరకెక్కించిన ఈ మూవీలో జాన్వీ కపూర్ హీరోయిన్‌గా నటించారు. సైఫ్ అలీ ఖాన్ విలన్ పాత్ర పోషించారు. అనిరుధ్ మ్యూజిక్ అందించారు. ఈ సినిమా బాక్సాఫీస్ వద్ద రూ.500 కోట్లకు పైగా కలెక్షన్లు రాబట్టినట్లు టాక్. అలాగే, ఈ చిత్రంలో శ్రీకాంత్, ప్రకాష్ రాజ్, అజయ్, మురళీ శర్మ ఇతర కీలక పాత్రల్లో నటించారు. అన్నట్టు ‘దేవర 2’ ప్రీ ప్రొడక్షన్ వర్క్ మరో రెండు నెలలు తర్వాత స్టార్ట్ అవుతుందని తెలుస్తోంది.
