మ్యాన్ ఆఫ్ మాసెస్ జూనియర్ ఎన్టీఆర్ నటిస్తున్న ది మోస్ట్ అవైటెడ్ మూవీ ‘దేవర’ ఇప్పటికే ఎలాంటి ట్రెండ్ కంటిన్యూ చేస్తుందో మనం చూస్తున్నాం. ఈ సినిమా టీజర్ మొదలుకొని, సాంగ్స్ కూడా సోషల్ మీడియాలో సెన్సేషన్ క్రియేట్ చేస్తున్నాయి. ఇక ఈ సినిమాను పాన్ ఇండియా మూవీగా భారీ స్థాయిలో రిలీజ్ చేసేందుకు మేకర్స్ రెడీ అవుతున్నారు. ఈ సినిమాను ఓవర్సీస్‌లోనూ భారీ స్థాయిలో రిలీజ్ చేసేందుకు సిద్ధమవుతున్నారు.
కాగా, యూఎస్‌లో ఈ చిత్రాన్ని ఎవరు రిలీజ్ చేయబోతున్నారా అనే అంశంపై తాజాగా ఓ క్లారిటీ ఇచ్చేశారు మేకర్స్. దేవర చిత్రాన్ని యూఎస్‌లో ప్రత్యంగిరా సినిమాస్, హంసిని ఎంటర్‌టైన్‌మెంట్స్ సంయుక్తంగా డిస్ట్రిబ్యూట్ చేయబోతున్నాయి. ఈ మేరకు వారు అఫీషియల్ అనౌన్స్‌మెంట్ చేశారు. యూఎస్‌లో దేవర ప్రీమియర్స్‌ను కూడా వారు ఈ సందర్భంగా అనౌన్స్ చేశారు. సెప్టెంబర్ 26న యూఎస్ ఆడియెన్స్ దేవర ప్రీమియర్స్ చూడబోతున్నట్లు వారు తెలిపారు.
ఎన్టీఆర్ పవర్‌ఫుల్ పాత్రలో నటిస్తున్న ఈ సినిమాలో జాన్వీ కపూర్ హీరోయిన్‌గా నటిస్తోండగా సైఫ్ అలీ ఖాన్ విలన్ పాత్రలో నటిస్తున్నాడు. అనిరుధ్ రవిచందర్ సంగీతం అందిస్తున్న ఈ సినిమాను ఎన్టీఆర్ ఆర్ట్స్, యువసుధా ఆర్ట్స్ బ్యానర్లు సంయుక్తంగా ప్రొడ్యూస్ చేస్తున్నాయి.
