పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ ‘ది రాజా సాబ్’ కోసం ప్రేక్షకులు ఏ రేంజ్‌లో వెయిట్ చేస్తున్నారో ప్రత్యేకించి చెప్పక్కర్లేదు. ఆయన ఈ సినిమాతో బాక్సాఫీస్‌ను మరోసారి దడదడలాడించడం ఖాయమని అభిమానులు ధీమాగా ఉన్నారు. ఇక దర్శకుడు మారుతి ఈ సినిమాను హార్రర్ కామెడీ చిత్రంగా తెరకెక్కిస్తుండటంతో ప్రేక్షకుల్లోనూ ఈ మూవీపై మంచి బజ్ క్రియేట్ అయ్యింది.
ఈ సినిమాను వచ్చే వేసవి కానుకగా ఏప్రిల్ 10న రిలీజ్ చేస్తున్నట్లు మేకర్స్ ఇప్పటిక వెల్లడించారు. దీంతో వచ్చే సమ్మర్ సీజన్‌ను ప్రభాస్ బ్లాక్‌బస్టర్‌తో స్టార్ట్ చేస్తాడని అందరూ ఫిక్స్ అయిపోయారు. ఈ సినిమాను పాన్ ఇండియా స్థాయిలో భారీగా రిలీజ్ చేసేందుకు మేకర్స్ ప్లాన్ చేస్తున్నారు. కానీ, తమిళ హీరో ధనుష్ మాత్రం ప్రభాస్‌తో పోటీకి రెడీ అయ్యాడు. ధనుష్ నటిస్తూ, డైరెక్ట్ చేస్తున్న లేటెస్ట్ మూవీ ‘ఇడ్లీ కడాయ్’ ప్రస్తుతం శరవేగంగా షూటింగ్ జరుపుకుంటోంది. మంచి కంటెంట్ ఓరియెంటెడ్ చిత్రంగా ఇది తెరకెక్కిస్తున్నట్లు మేకర్స్ చెబుతున్నారు.
ఇప్పుడు ఈ సినిమా రిలీజ్ డేట్‌ను చిత్ర యూనిట్ అనౌన్స్ చేసింది. ఈ మూవీ కూడా ఏప్రిల్ 10న రిలీజ్ చేస్తున్నట్లు వారు ప్రకటించారు. దీంతో ప్రభాస్‌తో పోటీకి ధనుష్ సిద్ధమయ్యాడని డార్లింగ్ ఫ్యాన్స్ మండిపడుతున్నారు. కానీ, తమిళ ఆడియెన్స్‌లో మంచి ఫాలోయింగ్ ఉన్న ధనుష్, తన సినిమాలోనూ మంచి కంటెంట్‌ను అందించకపోతే ‘ది రాజా సాబ్’ స్పీడుకు సైడ్ అవ్వాల్సిందే అని రెబల్ ఫ్యాన్స్ సూచిస్తున్నారు.