సెన్సార్ ప‌నులు ముగించుకున్న ‘రాయ‌న్’

తమిళ హీరో ధ‌నుష్ న‌టిస్తూ డైరెక్ట్ చేస్తున్న తాజా చిత్రం ‘రాయ‌న్’ ఇప్ప‌టికే కోలీవుడ్ తో పాటు టాలీవుడ్ లోనూ మంచి బ‌జ్ ను క్రియేట్ చేసింది. ఈ సినిమాలో ధ‌నుష్ స‌రికొత్త గెట‌ప్ లో క‌నిపిస్తుండ‌టం.. ఇప్ప‌టికే రిలీజ్ అయిన ఈ చిత్ర పోస్ట‌ర్స్, టీజ‌ర్, ట్రైల‌ర్లు ‘రాయ‌న్’ మూవీపై ప్రేక్ష‌కుల్లో ఆస‌క్తిని క్రియేట్ చేశాయి. ఇక జూలై 26న ప్ర‌పంచ‌వ్యాప్తంగా ఈ సినిమాను రిలీజ్ చేస్తున్నారు.

తాజాగా, ఈ సినిమా సెన్సార్ ప‌నులు కూడా పూర్తి చేసుకుంది. రాయ‌న్ చిత్రానికి సెన్సార్ బోర్డు ‘ఎ’ స‌ర్టిఫికెట్ ను జారీ చేసింది. యాక్షన్ డ్రామాగా రానున్న ఈ సినిమాలో మాస్ అంశాలు పుష్క‌లంగా ఉండ‌నున్న‌ట్లు ఈ చిత్ర ట్రైల‌ర్ చూస్తే అర్థ‌మ‌వుతోంది. ఇక ఈ సినిమాకు ఏఆర్.రెహ‌మాన్ సంగీతం అందిస్తున్నాడు.

ఈ సినిమాలో ఎస్.జె.సూర్య, ప్రకాశ్ రాజ్, సెల్వ‌రాఘ‌వ‌న్, సందీప్ కిష‌న్, అప‌ర్ణ బాల‌ముర‌ళి, వ‌ర‌ల‌క్ష్మి శ‌ర‌త్ కుమార్ త‌దిత‌రులు ఇత‌ర ముఖ్య పాత్ర‌ల్లో న‌టించారు. ఈ సినిమాను స‌న్ పిక్చ‌ర్స్ బ్యాన‌ర్ అత్యంత భారీ బ‌డ్జెట్ తో ప్రొడ్యూస్ చేస్తోంది.