ధనుష్ హీరోగా నటించి, దర్శకత్వం వహించిన రాయన్ మూవీ థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. బాక్సాఫీస్ వద్ద మంచి వసూళ్లతో దూసుకు పోతుంది. ఈ చిత్రం 4 రోజుల్లో వరల్డ్ వైడ్ గా 87 కోట్ల రూపాయల వసూళ్లను రాబట్టడం జరిగింది. చూస్తుంటే, త్వరలోనే వంద కోట్ల క్లబ్ లో చేరే అవకాశాలు కనిపిస్తున్నాయి. ఈ చిత్రాన్ని చూసిన పలువురు సినీ ప్రముఖులు ప్రశంసల వర్షం కురిపిస్తున్నారు.
ధనుష్ దర్శకత్వం వహించిన ఈ చిత్రంలో ఎస్.జే. సూర్య, ప్రకాష్ రాజ్, సందీప్ కిషన్, సెల్వ రాఘవన్, జయరామ్, దుషరా విజయన్, అపర్ణ బాలమురళీ, వరలక్ష్మి శరత్ కుమార్, శరవణన్ తదితరులు ముఖ్య పాత్రల్లో నటించారు. రెహమాన్ సంగీతం అందించిన ఈ చిత్రాన్ని ప్రముఖ నిర్మాణ సంస్థ అయిన సన్ పిక్చర్స్ నిర్మించడం జరిగింది.