కోలీవుడ్ స్టార్ హీరో ధనుష్ ప్రధాన పాత్రలో నటిస్తూ, దర్శకత్వం వహిస్తున్న లేటెస్ట్ మూవీ రాయన్. ఈ చిత్రం ధనుష్ కెరీర్ లో 50 వ చిత్రంగా తెరకెక్కింది. జూలై 26, 2024 న వరల్డ్ వైడ్ గా ధియేటర్లలో రిలీజ్ కి రెడీ అయిపోయిన ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రిలీజ్ డేట్ దగ్గర పడుతుండటంతో మేకర్స్ ప్రమోషన్స్ ను వేగవంతం చేయడం జరిగింది. ఈ చిత్రం నుండి ట్రైలర్ ను విడుదల చేసేందుకు మేకర్స్ ప్లాన్ చేస్తున్నారు.
ఈ చిత్రం ట్రైలర్ ను జూలై 16 వ తేదీన రిలీజ్ చేయనున్నారు. ఇదే విషయాన్ని సరికొత్త పోస్టర్ ద్వారా వెల్లడించారు. SJ సూర్య, సందీప్ కిషన్, సెల్వరాఘవన్, ప్రకాష్ రాజ్, దుషార విజయన్, అపర్ణా బాలమురళి, వరలక్ష్మి శరత్‌కుమార్, జయరామ్‌ తదితరులు కీలక పాత్రల్లో నటించిన ఈ చిత్రానికి ఆస్కార్ అవార్డు విన్నర్ ఏ. ఆర్. రెహమాన్ సంగీతం అందించారు. సన్ పిక్చర్స్ బ్యానర్‌పై కళానిధి మారన్ నిర్మించిన ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
