వెంకట్ ప్రభు దర్శకత్వం వహించిన కాప్ యాక్షన్ డ్రామా కస్టడీలో నాగ చైతన్య చివరిగా కనిపించాడు. అయితే ఆ సినిమా ఆశించిన ఫలితాన్ని ఇవ్వలేదు. ఈ నటుడు ప్రస్తుతం చందూ మొండేటి దర్శకత్వంలో తన 23వ చిత్రంతో బిజీగా ఉన్నాడు. ఇది కాకుండా, నాగ చైతన్య దూత అనే సూపర్ నేచురల్ వెబ్ సిరీస్‌లో నటించాడు. ఈ వెబ్ సిరీస్ నటుడి డిజిటల్ అరంగేట్రం సూచిస్తుంది. సెన్సిబుల్ ఫిల్మ్ మేకర్ విక్రమ్ కె. కుమార్ దీనికి దర్శకత్వం వహించారు.

సిరీస్ 2023 స్టార్టింగ్ లో విడుదల కావాల్సి ఉండగా, ఆలస్యం అయ్యింది. ఇప్పుడు, OTT ప్లాట్‌ఫారమ్ ట్రైలర్ రిలీజ్ డేట్ పై ఒక క్లారిటీ ఇచ్చింది. రేపు ఉదయం 10:00 గంటలకు ట్రైలర్ ను రిలీజ్ చేయనున్నట్లు సరికొత్త పోస్టర్ ద్వారా వెల్లడించడం జరిగింది. సిరీస్ డిసెంబర్ 1 నుండి ప్రైమ్ వీడియో లో ప్రసారం కానుంది. నార్త్ స్టార్ ఎంటర్‌టైన్‌మెంట్ నిర్మించిన ఈ సిరీస్ లో పార్వతి తిరువోతు, ప్రియా భవానీ శంకర్, ప్రాచీ దేశాయ్, తరుణ్ భాస్కర్ దాస్యం కీలక పాత్రలు పోషించారు.