ప్రముఖ కన్నడ నటుడు ధృవ సర్జా ప్రధాన పాత్రలో, ఏ. పీ. అర్జున్ దర్శకత్వంలో తెరకెక్కుతున్న యాక్షన్ థ్రిల్లర్ మార్టిన్. అక్టోబర్ 11, 2024 న వరల్డ్ వైడ్ గా థియేటర్లలో రిలీజ్ కాబోతున్న ఈ చిత్రం పై ప్రేక్షకుల్లో ఆసక్తి నెలకొంది. ఈ చిత్రానికి సంబంధించిన ట్రైలర్ రిలీజ్ డీటెయిల్స్ ను మేకర్స్ వెల్లడించారు. ఆగస్ట్ 5, 2024 న సాయంత్రం 5:55 గంటలకు ట్రైలర్ 1 ను రిలీజ్ చేయనున్నారు.
తాజాగా రిలీజ్ చేసిన పోస్టర్ లో ధృవ సర్జా చాలా పవర్ ఫుల్ గా కనిపిస్తున్నారు. వైభవి శాండిల్య, అన్వేషి జైన్, సుకృత వాగ్లే, అచ్యుత్ కుమార్, నికితిన్ దీర్ లు కీలక పాత్రల్లో నటిస్తున్న ఈ చిత్రానికి మెలోడీ బ్రహ్మ మణిశర్మ సంగీతం అందిస్తుండగా, రవి బస్రూర్ బ్యాక్ గ్రౌండ్ స్కోర్ అందిస్తున్నారు. అర్జున్ సర్జా కథ అందించిన ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
