ప్రముఖ నిర్మాత దిల్ రాజు ఎంతో ప్రతిష్టాత్మకంగా నిర్మిస్తున్న చిత్రం గేమ్ చేంజర్. మెగా పవర్ స్టార్ రామ్ చరణ్ ప్రధాన పాత్రలో నటిస్తున్న ఈ చిత్రానికి శంకర్ దర్శకత్వం వహిస్తుండగా, కియారా అద్వానీ హీరోయిన్ గా నటిస్తుంది. విలక్షణ నటుడు ఎస్.జే. సూర్య కీలక పాత్రలో నటిస్తున్నాడు. అయితే ఎస్.జే. సూర్య తెలుగులో మరొక చిత్రంలో కనిపించనున్నాడు.
నాని హీరోగా నటిస్తున్న సరిపోదా శనివారం లో విలన్ క్యారెక్టర్ చేస్తున్నాడు. తాజాగా దిల్ రాజు ఎస్.జే. సూర్య గురించి పలు ఆసక్తికర విషయాలు వెల్లడించారు. గేమ్ చేంజర్ షూటింగ్ టైమ్ లో కూడా సరిపోదా శనివారం చిత్రం కబుర్లు చెబుతున్నాడు అని సరదా వ్యాఖ్యలు చేశాడు. అయితే నానితో MCA చిత్రాన్ని చేశాం, కమర్షియల్ గా మంచి విజయాన్ని సాధించింది. ఈ చిత్రాన్ని దసరా బీట్ చేసింది అని, దసరా చిత్రాన్ని సరిపోదా శనివారం బీట్ చేయబోతుంది అంటూ చెప్పుకొచ్చారు దిల్ రాజు. ఈ కామెంట్స్ తో ఫ్యాన్స్ సంతోషం వ్యక్తం చేస్తున్నారు.