గ్లోబల్ స్టార్ రామ్ చరణ్ నటిస్తున్న ప్రెస్టీజియస్ మూవీ ‘గేమ్ ఛేంజర్’ సంక్రాంతి కానుకగా జనవరి 10న వరల్డ్‌వైడ్‌గా గ్రాండ్ రిలీజ్ కానుంది. ఈ సినిమాను దర్శకుడు శంకర్ డైరెక్ట్ చేస్తుండటంతో ఈ మూవీపై అంచనాలు పీక్స్‌కి చేరుకున్నాయి. ఇక ఈ సినిమాతో బాక్సాఫీస్ రికార్డులను రామ్ చరణ్ తిరగరాస్తాడని మేకర్స్ ధీమా వ్యక్తం చేస్తున్నారు.
అయితే, ఈ సినిమా నుండి ఎప్పుడెప్పుడు టీజర్ రిలీజ్ చేస్తారా అని అందరూ ఆసక్తిగా ఎదురుచూస్తున్నారు. ఇక ఈ టీజర్‌ని నవంబర్ 9న గ్రాండ్ రిలీజ్ చేస్తున్నట్లు మేకర్స్ ఇప్పటికే వెల్లడించారు. కాగా, టీజర్ లాంచ్‌కు వారు భారీ ఏర్పాట్లు కూడా చేస్తున్నారు. అయితే, ఈ టీజర్ బిగ్ బ్లాస్ట్‌గా ఉండబోతుందని వారు చెబుతున్నారు. ఇదే విషయాన్ని తాజాగా నిర్మాత దిల్ రాజు కూడా అన్నారు.
సూర్య నటించిన ‘కంగువా’ ప్రీ-రిలీజ్ ఈవెంట్‌లో ఆయన మాట్లాడారు. మరో 48 గంటల్లో మీరందరూ బిగ్ బ్లాస్ట్ చూస్తారు అంటూ గేమ్ ఛేంజర్ టీజర్‌పై కామెంట్ చేశారు. ఇలా ఈ టీజర్‌పై మేకర్స్ అంచనాలను పెంచేస్తుండటంతో ఈ మూవీపై భారీ అంచనాలు క్రియేట్ అవుతున్నాయి.