మెగాస్టార్ చిరంజీవి నటించిన వాల్తేరు వీరయ్య చిత్రం ప్రస్తుతం బాక్సాఫీస్ వద్ద మంచి వసూళ్లను రాబడుతోంది. ఈ యాక్షన్ డ్రామాలో మాస్ మహారాజా రవితేజ కీలక పాత్రలో నటించగా, డైరెక్టర్ బాబీ దర్శకత్వం వహించారు. ఈ చిత్రం భారీ విజయం సాధించిన తర్వాత దర్శకుడు బాబీ ఇప్పుడు ఎమోషనల్ నోట్ ను షేర్ చేశారు.
మెగాస్టార్ మరియు మాస్ మహారాజా అభిమానులకు సంక్రాంతి శుభాకాంక్షలు తెలిపిన బాబీ, ఈ ఏడాది సంక్రాంతి తనకు ఎప్పటికీ చిరస్మరణీయంగా ఉంటుందని అన్నారు. సినిమాపై ప్రేమను కురిపించిన ప్రతి ఒక్కరికీ కృతజ్ఞతలు తెలుపుతూ, మంచి కంటెంట్ ఉన్న చిత్రాలను తెలుగు ప్రేక్షకులు ఎప్పుడూ ఆదరిస్తారని పేర్కొన్నారు. అందరు చప్పట్లతో ముంచెత్తారని, వాల్తేరు వీరయ్య టీమ్ మొత్తానికి తన కృతజ్ఞతలు తెలియజేస్తున్నానని బాబీ రాశాడు. మైత్రీ మూవీ మేకర్స్ నిర్మించిన ఈ చిత్రంలో శృతిహాసన్ కథానాయికగా నటించగా, దేవి శ్రీ ప్రసాద్ సంగీతం అందించారు.
