మాస్ మహారాజ రవితేజ హీరోగా, డైరెక్టర్ హరీష్ శంకర్ దర్శకత్వంలో తెరకెక్కిన యాక్షన్ ఎంటర్టైనర్ మిస్టర్ బచ్చన్. ఆగస్టు 15 వ తేదీన వరల్డ్ వైడ్ గా థియేట్రికల్ రిలీజ్ కి రెడీ అయిపోయిన ఈ చిత్రంలో భాగ్యశ్రీ బోర్సే హీరోయిన్ గా నటించింది. ఇప్పటికే ఈ చిత్రం నుండి రిలీజైన ప్రచార చిత్రాలు ప్రేక్షకులను విశేషంగా అలరించాయి. రిలీజ్ డేట్ దగ్గర పడుతుండటంతో ప్రమోషన్స్ ను వేగవంతం చేసారు మేకర్స్.
డైరెక్టర్ హరీష్ శంకర్ సోషల్ మీడియా వేదికగా ఒక ఇంట్రెస్టింగ్ బీటిఎస్ స్టిల్ ను రిలీజ్ చేశారు. హరీష్ శంకర్ సెట్స్ లో కూర్చొని సన్నివేశాన్ని వివరిస్తున్నారు. హీరో రవితేజ మాస్ స్వాగ్ ఇందులో ఆకట్టుకుంటుంది. అయితే ఇది అతని ఫేవరెట్ సన్నివేశాల్లో ఒకటి అని, అందరి ఫ్యాన్స్ లాగానే ఎగ్జైట్ అవుతున్నట్లు పేర్కొన్నారు. ఈ స్టిల్ ఫ్యాన్స్ ను ఆకట్టుకుంటుంది. మిక్కీ జే మేయర్ సంగీతం అందించిన ఈ చిత్రాన్ని పీపుల్ మీడియా ఫ్యాక్టరీ బ్యానర్ పై నిర్మించారు. ఈ చిత్రంపై అందరిలో ఆసక్తి నెలకొంది.
