టాలీవుడ్ యంగ్ హీరో శ్రీ విష్ణు ప్రధాన పాత్రలో, దర్శకుడు హసిత్ గోలి దర్శకత్వంలో తెరకెక్కుతున్న చిత్రం స్వాగ్. ఈ చిత్రానికి సంబంధించిన టీజర్ లాంఛ్ ఈవెంట్ గ్రాండ్ గా జరిగింది. రిలీజైన టీజర్ ప్రేక్షకులను బాగా ఆకట్టుకుంది. సినిమాపై మరింత ఆసక్తిని పెంచింది. ఈ ఈవెంట్ లో దర్శకుడు హసిత్ గోలి పలు ఆసక్తికర వ్యాఖ్యలు చేశాడు.
స్కాప్ ఉండి ఉంటే “స్వాగ్” చిత్రాన్ని కమల్ హాసన్ తో చేసేవాడ్ని. కానీ, తెలుగులో శ్రీ విష్ణు గారికి మించిన కమల్ హాసన్ నాకు కనిపించలేదు. సినిమా మాత్రం దిమ్మతిరిగి పోతుంది అని అన్నాడు. అయితే రాజ రాజ చోర చిత్రం అనేది స్వాగ్ కి సీక్వెల్ లేదా ప్రీక్వెల్ కాదు అని స్పష్టం చేశాడు. రీతూ వర్మ హీరోయిన్ గా నటిస్తున్న ఈ చిత్రంలో మీరా జాస్మిన్, దక్షా నగార్కర్, శరణ్య ప్రదీప్ కీలక పాత్రల్లో కనిపించనున్నారు. పీపుల్ మీడియా ఫ్యాక్టరీ బ్యానర్ పై నిర్మిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
