కోలీవుడ్ సూపర్ స్టార్ రజినీకాంత్ ప్రధాన పాత్రలో, స్టార్ డైరెక్టర్ లోకేష్ కనగరాజ్ దర్శకత్వంలో తెరకెక్కుతున్న యాక్షన్ ఎంటర్టైనర్ కూలీ. ఈ చిత్రాన్ని ప్రకటించినప్పటి నుండి ప్రేక్షకుల్లో, అభిమానుల్లో భారీ అంచనాలు నెలకొన్నాయి. రజినీకాంత్ ను లోకేష్ ఎలా చూపించబోతున్నాడో అని అందరిలో ఆసక్తి నెలకొంది.
తాజాగా ఈ చిత్రం నుండి ఇంట్రెస్టింగ్ అప్డేట్ ను దర్శకుడు లోకేష్ వెల్లడించారు. ఈ చిత్రంలో కీలక పాత్రల్లో కనిపించనున్న వారి పోస్టర్లను రేపటి నుండి రిలీజ్ చేయనున్నట్లు ప్రకటించారు. సన్ పిక్చర్స్ పతాకంపై కళానిధి మారన్ నిర్మిస్తున్న ఈ చిత్రానికి రాక్ స్టార్ అనిరుధ్ రవి చందర్ సంగీతం అందిస్తున్నాడు. ఈ చిత్రంలో సత్యరాజ్, ఉపేంద్ర, శృతి హాసన్, మహేంద్రన్ తదితరులు కీలక పాత్రల్లో కనిపించనున్నారు. వచ్చే ఏడాది ఈ చిత్రం ప్రేక్షకుల ముందుకి రానుంది.