తమిళ బ్లాక్‌బస్టర్ మూవీ ‘డా..డా’ను తెలుగులో ‘పా.. పా..’ టైటిల్‌తో జెకె ఎంటర్టైన్మెంట్స్‌ బ్యానర్‌పై, నిర్మాత నీరజ కోట విడుద‌ల చేయబోతున్నారు. డిసెంబ‌ర్ 13న ఈ మూవీ ఆంధ్ర, తెలంగాణతో పాటు అమెరికా, ఆస్ట్రేలియా థియేట‌ర్‌ల‌లో గ్రాండ్‌గా విడుద‌ల కానుంది. తాజాగా ‘పా.. పా..’ మూవీ ట్రైల‌ర్‌ను క్రేజీ డైరెక్టర్ మారుతి విడుద‌ల చేశారు.
ఈ సంద‌ర్భంగా డైరెక్టర్ మారుతి మాట్లాడుతూ.. ‘తమిళ సెన్సేష‌న‌ల్‌ మూవీ ‘డా..డా’ తెలుగులో ‘పా.. పా..’ పేరిట విడుద‌ల‌వ్వడం సంతోషంగా ఉంది.. ఈ సినిమా తెలుగులోనూ బ్లాక్ బ‌స్టర్ అవ్వడం ఖాయ‌ం.. ఈ స‌బ్జెక్ట్ తెలుగు ప్రేక్షకుల‌కు బాగా క‌నెక్ట్ అవుతుంద‌ని ఆశిస్తున్నా.’ అని అన్నారు.
కెవిన్, అపర్ణ దాస్ ప్రధాన పాత్రధారులుగా, డైరెక్టర్ గణేష్ కె బాబు తెర‌కెక్కించిన ‘డా..డా’ చిత్రం తమిళ ఆడియన్స్‌ని విప‌రీతంగా ఆకట్టుకుంది. త‌క్కువ బ‌డ్జెట్‌తో తెర‌కెక్కిన ఈ సినిమా సుమారు 30 కోట్లు వసూళ్లు సాధించి బ్లాక్ బ‌స్టర్ విజ‌యాన్ని న‌మోదు చేసుకుంది. తండ్రి కొడుకుల సెంటిమెంట్‌తో తెరకెక్కి తమిళంలో బ్లాక్ బస్టర్‌గా నిలిచిన ‘డా..డా’ చిత్రం ‘పా.. పా..’ పేరుతో తెలుగు ప్రేక్షకుల‌ను కూడా బాగా ఆక‌ట్టుకుంటుంద‌ని నిర్మాత నీరజ కోట తెలిపారు. భావోద్వేగం, ప్రేమ, కామెడీ.. ఇవ‌న్నీ సరైన స్థాయిలో మిక్స్ చేసిన ఈ ఫీల్ గుడ్ ఎమోష‌న‌ల్ డ్రామా.. తెలుగు ప్రేక్షకుల‌కు కూడా బాగా క‌నెక్టు అవుతుంద‌ని, బ్లాక్ బ‌స్టర్ అవ్వడం ఖాయ‌మ‌న్నారు. తెలుగు రాష్ట్రాల్లో ఎంజీఎం సంస్థ నుంచి అచ్చిబాబు ఈ చిత్రాన్ని విడుద‌ల చేయబోతున్నారు.