ఓ విభిన్నమైన కథ, కథనాలతో సహజత్వానికి దగ్గరగా రాబోతున్న సరికొత్త చిత్రం @లవ్. రామరాజు, సోనాక్షి వర్మ, అభి, ప్రీతి సింగ్, శ్రీకృష్ణ మరియు డాక్టర్ మారుతి సకారం తదితరులు ముఖ్య పాత్రల్లో నటిస్తున్నారు. ఈ సినిమా టైటిల్ లోగో ను టాలెంటెడ్ డైరెక్టర్ నాగ్ అశ్విన్ రిలీజ్ చేశారు. గిరిజన నేపథ్యంలో స్వచ్ఛమైన ప్రేమ కథతో రాబోతున్న ఈ సినిమా, ప్రతి ఒక్కరికి రీచ్ అవ్వాలని, అందులో భాగంగానే, నేడు తాను ఈ చిత్రం ఫస్ట్ లుక్ ను రిలీజ్ చేస్తున్నానని నాగ్ అశ్విన్ చెప్పారు.
వాస్తవానికి చాలా దగ్గరగా ఉండే ఈ కథ, ప్రేక్షకులకు ఒక కొత్త అనుభూతిని ఇస్తుందని చిత్ర దర్శక నిర్మాతలు చెబుతున్నారు. TMS బ్యానర్ లో ప్రీతమ్ ఆర్ట్స్ అండ్ SN క్రియేషన్స్ కలయికతో మహేందర్ సింగ్, శైలజ తాటిచెర్ల మరియు శ్రీనారాయణ నిర్మాతలుగా రూపొందించిన ఈ చిత్రంలో అందరూ నూతన నటీనటులు నటించారు. శ్రీనారాయణ దర్శకత్వంలో, మనసుకు హత్తుకునే ఎమోషన్స్ తో పాటు ఆడజాతికి సంబంధించిన ఓ గొప్ప సందేశం కూడా అంతర్లీనంగా ఉంటుందట. ఈ సినిమా మొత్తం ఆటవిక నేపథ్యంలో సాగడం విశేషం.
రామరాజు, సోనాక్షి వర్మ, అభి, ప్రీతి సింగ్, శ్రీకృష్ణ, డా. మారుతీ సాకారామ్ తదితరులు నటిస్తున్న ఈ చిత్రానికి నిర్మాతలు మహేందర్ సింగ్, శైలజ తాటిచర్ల, శ్రీనారాయణ, రచన, దర్శకత్వం శ్రీనారాయణ, మ్యూజిక్ సన్నీ మానిక్, రామ్ చరణ్, ఎడిటింగ్ మార్తాండ్ కె వెంకటేష్, కెమెరామెన్ మహేందర్, సౌండ్ డిజైన్ యతీరాజ్, పీఆర్ఓ శ్రీధర్ లుగా వ్యవహరిస్తున్నారు.