మన టాలీవుడ్ లెజెండరీ హీరో మెగాస్టార్ చిరంజీవి హీరోగా ఇప్పుడు భారీ చిత్రం “విశ్వంభర” చేస్తున్న సంగతి తెలిసిందే. మరి ఈ సినిమా షూటింగ్ పోస్ట్ ప్రొడక్షన్ పనులు శరవేగంగా జరుగుతున్నాయి. అయితే ఈ క్రమంలో మెగాస్టార్ నుంచి ఎప్పుడు నుంచో అభిమానులు అవైటెడ్ గా ఎదురు చూస్తున్న రీ రిలీజ్ సినిమా ఏదన్నా ఉంది అంటే అది తన కెరీర్ సెన్సేషనల్ హిట్ చిత్రం “ఇంద్ర” రీ రిలీజ్ అని చెప్పాలి.
ఎన్నో ఏళ్ల నుంచి ఎదురు చూస్తున్న ఈ రిలీజ్ ని వైజయంతి మూవీస్ వారు ఈసారి మెగాస్టార్ బర్త్ డే కానుకగా అనౌన్స్ చేశారు. కానీ ఈ చిత్రం ఇక్కడ నుంచి మరే అప్డేట్ వినిపించలేదు. దీనితో సస్పెన్స్ గా మారిన ఈ రిలీజ్ పై లేటెస్ట్ బజ్ వినిపిస్తోంది. తెలుగు రాష్ట్రాల్లో ఇంద్ర రీ రిలీజ్ ఒకింత కష్టం అయ్యేలానే ఉందని ఉందని రూమర్స్ వినిపిస్తున్నాయి.
ఎందుకంటే ఈ 22 కి ముందు ఒక్క వారం ముందే నాలుగు కొత్త సినిమాలు థియేటర్స్ లోకి రానున్నాయి. సో థియేటర్స్ కొరత ఏర్పడే ఛాన్స్ ఉందని అందుకే ఇంద్ర రీ రిలీజ్ అనుకున్న రేంజ్ లో ఉండకపోవచ్చు అనే తెలుస్తోంది. మరి ఇది తెలుగు రాష్ట్రాల ఫ్యాన్స్ చేదు వార్తే అని చెప్పాలి. ఇక దీనిపై అధికారిక క్లారిటీ ఇంకా రావాల్సి ఉంది.
