ఈ దీపావళి రేసులో మన తెలుగు సినిమా నుంచి వచ్చిన సినిమాలు అలాగే తమిళ్ సహా కన్నడ నుంచి వచ్చిన సినిమాలు కూడా మంచి ఓపెనింగ్స్ ని అందుకున్న సంగతి తెలిసిందే. మరి ఈ చిత్రాలతో పాటుగా దీపావళి కానుకగా బాలీవుడ్ లో కూడా పలు క్రేజీ సినిమాలు అందులోని అవైటెడ్ సీక్వెల్ సినిమాలు కూడా వచ్చాయి.
మరి అవే అజయ్ దేవగన్, రణ్వీర్ సింగ్, అక్షయ్ కుమార్ లాంటి స్టార్స్ నటించిన “సింగం అగైన్” అలాగే కార్తీక్ ఆర్యన్ నటించిన హారర్ కామెడీ సిరీస్ “భూల్ భూలైయా 3”. అయితే ఈ రెండు సినిమాలు కూడా భారీ ఓపెనింగ్స్ హిందీ మార్కెట్ లో అందుకున్నట్టుగా తెలుస్తుంది.
కార్తీక్ ఆర్యన్ భూల్ భూలైయా 3 మొదటి రోజు 36.6 కోట్ల గ్రాస్ ని ఇండియా వైడ్ గా సాధించి అదరగొట్టింది. ఇక సింగం అగైన్ అయితే 43.7 కోట్ల గ్రాస్ ని అందుకుంది. దీనితో ఈ రెండు సినిమాలు మంచి ఓపెనింగ్స్ ని సాధించాయి. ఇలా ఈ దీపావళికి మాత్రం తెలుగు సహా హిందీ సినిమాలో కూడా వచ్చిన సినిమాలు భారీ సక్సెస్ ని చూశాయి అని చెప్పాలి.