టాలీవుడ్ పవర్ స్టార్ పవన్ కళ్యాణ్ అలాగే హీరోయిన్ శృతి హాసన్ కాంబినేషన్ లో దర్శకుడు హరీష్ శంకర్ తెరకెక్కించిన భారీ హిట్ చిత్రం “గబ్బర్ సింగ్” ని పవన్ తాలూకా ఏ అభిమాని కూడా అంత తొందరగా మర్చిపోలేరు. మరి ఈసారి పవన్ బర్త్ డే కానుకగా గబ్బర్ సింగ్ గ్రాండ్ రీ రిలీజ్ ని ప్లాన్ చేస్తుండడం కన్ఫర్మ్ కాగా ఈ రీ రిలీజ్ కోసం అభిమానులు ఆసక్తిగా ఎదురు చూస్తున్నారు.
అయితే ఈ చిత్రంలో కెవ్వు కేక కాకుండా మరో సాంగ్ అంటూ ఒకటి అప్పట్లోనే రచ్చ లేపింది. మరి ఆ సాంగ్ ని ఈసారి సినిమాలో పెట్టాలని ఈ మధ్య అంతా పవన్ ఫ్యాన్స్ బాగా డిమాండ్ చేసారు. అయితే తాజాగా హరీష్ శంకర్ వరకు కూడా ఈ ప్రశ్న వెళ్లగా అసలు దీనిపై హరీష్ శంకర్ ఒక క్లారిటీ ఇచ్చేసాడు. అసలు బావా బావా అనే సాంగ్ గబ్బర్ సింగ్ సినిమాలో లేనే లేదు అని అది పక్కా రూమర్.
గబ్బర్ సింగ్ కోసం దేవిశ్రీ ప్రసాద్ అలాంటి ఒక సాంగ్ ని కంపోజ్ చెయ్యనే లేదని క్లారిటీ ఇచ్చాడు. దీనితో అసలు ఈ చిత్రంలో ఆ సాంగ్ లేదనే చెప్పాలి. ఇక ఈ చిత్రానికి బండ్ల గణేష్ నిర్మాణం వహించగా ఈ చిత్రంతో బండ్ల గణేష్ భారీ లాభాలని చూసారు. అలాగే ఈ సెప్టెంబర్ 2న అయితే చిత్రం గ్రాండ్ గా పవన్ బర్త్ డే కానుకగా రిలీజ్ కి రాబోతుంది.
