అత్యత్భుత విజయాన్ని సొంతం చేసుకున్న ప్రిన్స్ మహేష్ బాబు బ్లాక్ బస్టర్ యాక్షన్ కామెడి ఎంటర్ టైనర్ ‘ దూకుడు’. ఈ మూవీ 220కుపైగా డైరెక్ట్ సెంటర్లలో 50 రోజుల పండుగ జరుపుకునేందుకు పరుగులు తీస్తోంది. ఫలితంగా అర్థశత దినోత్సవాన్ని అంగరంగ వైభవంగా నిర్వహించేందుకు ఏర్పాట్లు చురుగ్గా సాగుతున్నాయి. ఈ ఈవెంట్ కు విజయవాడ సిద్దార్థ కాలేజ్ గ్రౌండ్స్ వేదిక కానుంది. ఘనంగా నిర్వహించే ఈ ఫంక్షన్ కు చిత్ర సీమకు చెందిన అతిరధ మహారధులు హాజరవుతారని సమాచారం.
కలెక్షన్ల పరంగా ‘దూకుడు’ చిత్రం ప్రపంచ వ్యాప్తంగా సరికొత్త రికార్డ్స్ సృష్టిస్తూ ముందుకు దూసుకు పోతోంది. ఇప్పటికీ అనేక ప్రాంతాల్లో ఈ చిత్ర హవా కొనసాగుతోంది. తమిళ చిత్రాలు డామినేట్ చేస్తున్న టైంలో వచ్చిన ఈ సినిమా తెలుగు ఫిలిం ఇండస్ట్రీ కి పునరుత్తేజాన్ని కలిగించింది.
‘దూకుడు’ చిత్రాన్ని శ్రీను వైట్ల డైరెక్ట్ చేయగా, 14 రీల్స్ ఎంటర్ టైన్మెంట్ బ్యానర్ పై రామ్ ఆచంట, గోపి ఆచంట, ఇంకా అనిల్ సుంకర ఈ సినిమాను నిర్మించారు.
