మెగాస్టార్ చిరంజీవి (Chiranjeevi) హీరోగా త్రిష కృష్ణన్ హీరోయిన్ గా దర్శకుడు వశిష్ట తెరకెక్కిస్తున్న భారీ ఫాంటసీ వండర్ చిత్రం “విశ్వంభర” (Vishwambhara) కోసం అందరికీ తెలిసిందే. మరి ఈ సినిమా ఇప్పుడు పోస్ట్ ప్రొడక్షన్ సహా పాటలు, షూటింగ్ కూడా ఏకకాలంలో పూర్తి చేసుకుంటుంది. ఇక ఈ గ్యాప్ లో మెగాస్టార్ సెన్సేషనల్ ఇండస్ట్రీ హిట్ చిత్రం “ఇంద్ర” వచ్చి నేటికి 22 వసంతాలు పూర్తి చేసుకోవడం ఈ సినిమా నిర్మాణ సంస్థ వైజయంతి మూవీస్ వారు అవైటెడ్ ఇంద్ర రీ రిలీజ్ ని మెగాస్టార్ బర్త్ డే కానుకగా అనౌన్స్ చేయడం మెగా ఫ్యాన్స్ లో కొత్త ఉత్తేజాన్ని తీసుకొచ్చింది.
దాదాపు రెండేళ్ల నుంచి ఈ సినిమా రీ రిలీజ్ కోసం మెగా అభిమానులు ఎంతో ఆసక్తిగా ఎదురు చూస్తున్నారు. మరి ఇదే ఒక బ్లాస్టింగ్ న్యూస్ అంటే ఇదే సినిమాతో చిరు ఇప్పుడు నటిస్తున్న విశ్వంభర గ్లింప్స్ కూడా అప్పుడు బర్త్ డే కి రావడం దాదాపు ఖరారు అయ్యింది. దీనితో ఈ గ్లింప్స్ టీజర్ కూడా ఇంద్ర రీ రిలీజ్ థియేటర్స్ లో పెట్టె అవకాశం ఉన్నట్టుగా తెలుస్తుంది. దీనితో ఆరోజున మాత్రం మెగా ఫ్యాన్స్ కి డబుల్ ధమాకా ఖాయం అని చెప్పాలి. మరి దీనిపై ఇంకా అధికారిక క్లారిటీ రావాల్సి ఉంది.