యంగ్ అండ్ ఎన‌ర్జిటిక్ హీరో రామ్ పోతినేని న‌టిస్తున్న లేటెస్ట్ మూవీ డ‌బుల్ ఇస్మార్ట్ ఇప్ప‌టికే ప్రేక్ష‌కుల్లో మంచి అంచ‌నాలు క్రియేట్ చేసింది. గ‌తంలో వ‌చ్చిన ఇస్మార్ట్ శంక‌ర్ చిత్రానికి ఇది సీక్వెల్ గా రానుంది. ఇక ఈ సినిమాను ద‌ర్శ‌కుడ పూరి జ‌గ‌న్నాధ్ పూర్తి మాస్ యాక్ష‌న్ ఎంట‌ర్టైన‌ర్ గా తెర‌కెక్కిస్తుండ‌టంతో అభిమానుల్లో ఈ సినిమాపై ఆస‌క్తి రెట్టింప‌య్యింది.
ఈ సినిమాను ఆగ‌స్టు 15న ప్ర‌పంచ‌వ్యాప్తంగా రిలీజ్ చేసేందుకు మేక‌ర్స్ రెడీ అయ్యారు. ఇక ఈ సినిమా థియేట్రిక‌ల్ రైట్స్ ను ప్ర‌ముఖ నిర్మాణ సంస్థ ప్రైమ్ షో ఎంట‌ర్టైన్మెంట్స్ బ్యాన‌ర్ సొంతం చేసుకున్నట్లుగా చిత్ర యూనిట్ తాజాగా వెల్ల‌డించింది. నిర్మాత నిరంజ‌న్ రెడ్డి భారీ ధ‌ర‌కు ఈ మూవీ రైట్స్ ద‌క్కించుకున్నారు. పాన్ ఇండియా మూవీగా రాబోతున్న డ‌బుల్ ఇస్మార్ట్ చిత్ర హిందీ రైట్స్ తో పాటు మిగ‌తా భాష‌ల రైట్స్ ను కూడా నిరంజ‌న్ రెడ్డి సొంతం చేసుకున్న‌ట్లు చిత్ర నిర్మాత ఛార్మీ తెలిపింది.
హ‌నుమాన్ మూవీతో పాన్ ఇండియా స్థాయిలో సూప‌ర్ సక్సెస్ అందుకున్న నిరంజ‌న్ రెడ్డి, ఇప్పుడు డ‌బుల్ ఇస్మార్ట్ చిత్రాన్ని తెలుగు, హిందీ భాష‌ల్లో రిలీజ్ చేసి మ‌రో సక్సెస్ ను అందుకోవాల‌ని ప్ర‌య‌త్నిస్తున్నారు. డ‌బుల్ ఇస్మార్ట్ చిత్రంలో కావ్య థాప‌ర్ హీరోయిన్ గా న‌టిస్తోండ‌గా బాలీవుడ్ న‌టుడు సంజయ్ ద‌త్ విల‌న్ పాత్ర‌లో న‌టిస్తున్నారు. మ‌ణిశ‌ర్మ సంగీతం అందిస్తున్న ఈ సినిమాను ఛార్మీతో క‌లిసి పూరి ప్రొడ్యూస్ చేస్తున్నారు.