టాలీవుడ్ నటుడు, ఎనర్జిటిక్ స్టార్ రామ్ పోతినేని ప్రధాన పాత్రలో, డాషింగ్ డైరెక్టర్ పూరీ జగన్నాథ్ దర్శకత్వంలో తెరకెక్కిన డబుల్ ఇస్మార్ట్ చిత్రం కోసం ఆడియెన్స్ ఎంతగానో ఎదురు చూస్తున్నారు. కావ్య థాపర్ హీరోయిన్ గా నటించిన ఈ చిత్రానికి మెలోడీ బ్రహ్మ మణిశర్మ సంగీతం అందించారు. ఇప్పటికే ఈ చిత్రం నుండి రిలీజైన ప్రచార చిత్రాలకి ఆడియెన్స్ నుండి మంచి రెస్పాన్స్ వచ్చింది. రిలీజ్ కి రెడీ అవుతున్న సందర్భంగా మేకర్స్ ప్రీ రిలీజ్ ఈవెంట్ ను ప్లాన్ చేశారు.
ఈ చిత్రం ప్రీ రిలీజ్ ఈవెంట్ ఆగస్టు 11, 2024 న JNS ఇండోర్ స్టేడియం, హన్మకొండలో సాయంత్రం 5 గంటల నుండి ప్రారంభం కానుంది. ఇదే విషయాన్ని సరికొత్త పోస్టర్ ద్వారా వెల్లడించారు. సంజయ్ దత్, అలీ, గెటప్ శ్రీను తదితరులు కీలక పాత్రల్లో నటించిన ఈ చిత్రాన్ని ఆగస్టు 15 వ తేదీన వరల్డ్ వైడ్ గా థియేటర్లలో రిలీజ్ చేయనున్నారు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
