ఎనర్జిటిక్ స్టార్ రామ్ పోతినేని ప్రధాన పాత్రలో, డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న మాస్ యాక్షన్ ఎంటర్టైనర్ డబుల్ ఇస్మార్ట్. ఆగస్ట్ 15, 2024న ప్రేక్షకుల ముందుకు రావడానికి సిద్ధంగా ఉంది. పూరి జగన్నాథ్ చివరి చిత్రం లైగర్ బాక్సాఫీస్ వద్ద డిజాస్టర్ అయ్యింది. అయితే రామ్ డబుల్ ఇస్మార్ట్ ప్రీ రిలీజ్ బిజినెస్ పై ఇది ఎలాంటి ప్రభావం చూపలేదు. థియేట్రికల్ రైట్స్ 60 కోట్లకు అమ్ముడుపోగా, ఓటీటీ రైట్స్ 33 కోట్లకు అమ్ముడుపోయాయి. అంతేకాక ఆడియో రైట్స్ 9 కోట్ల రూపాయల వరకు అమ్ముడు పోయాయి. ఈ చిత్రం యొక్క శాటిలైట్ హక్కులు కూడా మంచి ధరకు ప్రముఖ టీవీ ఛానల్ అయిన జీ తెలుగు సొంతం చేసుకున్నట్లు తెలుస్తోంది. రామ్ కెరీర్ లోనే అత్యధిక ధరకు అమ్ముడు అయినట్లు సమాచారం.

ఈ చిత్రం పాజిటివ్ టాక్ ను సొంతం చేసుకుంటే, మంచి ఓపెనింగ్స్ ను రాబట్టే అవకాశం ఉంది. ప్రస్తుతానికి, పాటలు హిట్ అయ్యాయి మరియు రాబోయే రోజులో, డబుల్ ఇస్మార్ట్‌ను ప్రేక్షకులలోకి లోతుగా తీసుకెళ్లడానికి మేకర్స్ సినిమా ప్రమోషన్‌ను వేగవంతం చేస్తారు. ఈ చిత్రంలో సంజయ్ దత్, కావ్యా థాపర్ కీలక పాత్రలు పోషిస్తున్నారు.