ఎనర్జిటిక్ స్టార్ రామ్ పోతినేని ప్రధాన పాత్రలో, డాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కిన మాస్ యాక్షన్ ఎంటర్టైనర్ డబుల్ ఇస్మార్ట్. లైగర్ చిత్రం తరువాత పూరి జగన్నాథ్ చేస్తున్న చిత్రమిది. లైగర్ బాక్సాఫీస్ వద్ద ఫ్లాప్ గా నిలిచినప్పటికీ, డబుల్ ఇస్మార్ట్ చిత్రం యొక్క ప్రీ రిలీజ్ బిజినెస్ గట్టిగానే జరిగింది. ఈ చిత్రంను ఈ స్వాతంత్య్ర దినోత్సవం (ఆగస్టు 15, 2024)న రిలీజ్ చేయనున్నారు. అదే రోజున టాలీవుడ్ మరియు బాలీవుడ్‌లో అనేక సినిమాలు విడుదల కానున్నాయి.

అయితే ఈ రెండు పరిశ్రమల్లోనూ ఎక్కువ బజ్ ను కలిగి ఉన్న చిత్రం డబుల్ ఇస్మార్ట్. గ్లింప్స్, మాస్ టీజర్ మరియు ట్రైలర్ బాలీవుడ్‌లో కూడా ప్రేక్షకులలో మంచి అంచనాలను సృష్టించాయి. శ్రద్ధా కపూర్ ప్రధాన పాత్రలో నటించిన స్త్రీ 2, అక్షయ్ కుమార్ యొక్క ఖేల్ ఖేల్ మే, మరియు జాన్ అబ్రహం యొక్క వేదా ఆగస్ట్ 15, 2024న పెద్ద స్క్రీన్‌లలోకి రావడానికి రెడీ అయ్యాయి. వీటిలో, స్ట్రీ 2 మంచి హైప్ ను కలిగి ఉంది.

రామ్ మాస్ సినిమాలు హిందీలో సూపర్‌హిట్ అయ్యాయి. యూట్యూబ్‌లో 100 మిలియన్ వ్యూస్‌తో 10 చిత్రాలను కలిగి ఉన్న ఏకైక తెలుగు హీరో రామ్. హిందీ మార్కెట్‌లో అతనికి ఉన్న విపరీతమైన ఆదరణ కారణంగా డబుల్ ఇస్మార్ట్ పై ప్రేక్షకుల్లో ఆసక్తి నెలకొంది. ఈ సినిమాలో బాలీవుడ్ నటుడు సంజయ్ దత్, కావ్య థాపర్ లు కీలక పాత్రల్లో కనిపించనున్నారు. పూరి కనెక్ట్స్ బ్యానర్‌పై ఛార్మి కౌర్ మరియు పూరి జగన్నాధ్ నిర్మించిన ఈ పాన్ ఇండియన్ చిత్రానికి మణిశర్మ సంగీతం అందించారు.