యంగ్ అండ్ ఎనర్జిటిక్ హీరో ఉస్తాద్ రామ్ పోతినేని నటిస్తున్న లేటెస్ట్ మూవీ ‘డబుల్ ఇస్మార్ట్’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. ఈ సినిమాను దర్శకుడు పూరి జగన్నాధ్ డైరెక్ట్ చేస్తుండటంతో ఈ సినిమాను ఎప్పుడెప్పుడు చూద్దామా అని అభిమానులు ఆసక్తిగా ఉన్నారు. ఇప్పటికే రిలీజ్ అయిన ఈ మూవీ పోస్టర్స్, టీజర్, సాంగ్స్ ఈ సినిమాపై అంచనాలను రెట్టింపు చేశాయి.
గతంలో వచ్చిన ‘ఇస్మార్ట్ శంకర్’ మూవీకి సీక్వెల్‌గా ఇది వస్తుండటంతో సినీ వర్గాల్లో ఈ సినిమాపై పాజిటివ్ వైబ్స్ క్రియేట్ అయ్యాయి. ఇక ఈ సినిమా నుంచి అసలైన మెంటల్ మాస్ మ్యాడ్‌నెస్‌ను పరిచయం చేసేందుకు మేకర్స్ రెడీ అయ్యారు. ఈ సినిమా ట్రైలర్‌ను రిలీజ్ చేయబోతున్నట్లు తాజాగా వారు వెల్లడించారు. డబుల్ ఇస్మార్ట్ చిత్ర ట్రైలర్ అనౌన్స్‌మెంట్‌ను నేడు సాయంత్రం 4 గంటలకు చేయబోతున్నట్లు ఓ సాలిడ్ పోస్టర్‌తో రివీల్ చేశారు.
ఈ సినిమాలో అందాల భామ కావ్య థాపర్ హీరోయిన్‌గా నటిస్తోండగా మణిశర్మ ఈ చిత్రానికి సంగీతం అందిస్తున్నారు. పూరి కనెక్ట్స్ బ్యానర్‌పై ఈ సినిమాను పూరి జగన్నాధ్, ఛార్మీ సంయుక్తంగా ప్రొడ్యూస్ చేస్తున్నారు. ఆగస్టు 15న డబుల్ ఇస్మార్ట్ చిత్రాన్ని గ్రాండ్‌గా రిలీజ్ చేసేందుకు మేకర్స్ రెడీ అయ్యారు.