ఉస్తాద్ రామ్ హీరోగా డ్యాషింగ్ డైరెక్టర్ పూరి జగన్నాథ్ దర్శకత్వంలో తెరకెక్కుతున్న లేటెస్ట్ మాస్ యాక్షన్ ఎంటర్టైనర్ మూవీ డబుల్ ఇస్మార్ట్. ఇటీవల రిలీజ్ అయి బాక్సాఫీస్ వద్ద మంచి విజయం అందుకున్న ఇస్మార్ట్ శంకర్ కి సీక్వెల్ గా రూపొందుతున్న ఈ మూవీని పూరి కనెక్ట్స్ బ్యానర్ పై పూరి జగన్నాథ్ తో కలిసి ఛార్మి గ్రాండ్ లెవెల్లో నిర్మిస్తున్నారు.

బాలీవుడ్ నటుడు సంజయ్ దత్ కీలక పాత్ర చేస్తున్న ఈ మూవీ పై అందరిలో ఎన్నో అంచనాలు ఉన్నాయి విషయం ఏమిటంటే, తాజాగా డబుల్ ఇస్మార్ట్ మూవీకి సంబంధించి క్లైమాక్స్ ఎపిసోడ్ ని దాదాపుగా రూ. 7 కోట్ల బడ్జెట్ తో భారీ స్థాయిలో 12 రోజుల పాటు చిత్రీకరించిందట టీమ్. కాగా క్లైమాక్స్ ఎపిసోడ్స్ లో వచ్చే యాక్షన్ సీన్స్ ఈ మూవీలో వన్ ఆఫ్ ది హైలైట్స్ గా నిలుస్తాయట. మణిశర్మ సంగీతం అందిస్తున్న ఈ మూవీ మార్చి 8 న ఆడియన్స్ ముందుకి రానుంది.