టాలీవుడ్ స్టార్ హీరోయిన్ మిల్కీ బ్యూటీ తమన్నా ఇప్పుడు తెలుగు సినిమాలు సహా హిందీలో కూడా పలు చిత్రాలు చేస్తున్న సంగతి తెలిసిందే. అయితే తమన్నా హీరోయిన్ గా మాత్రమే కాకుండా పలు చిత్రాల్లో ఐటెం సాంగ్స్ కూడా చేస్తుంది. అలా రీసెంట్ గా బాలీవుడ్ అవైటెడ్ హారర్ సీక్వెల్ చిత్రం “స్త్రీ 2” లో చేసిన సాంగ్ కి మంచి రెస్పాన్స్ వచ్చింది. అయితే ఈ సినిమా సహా ఆమె నటించిన మరో సినిమా ఈ ఫ్రైడే అయితే బాలీవుడ్ లో ఆకట్టుకునేందుకు వసున్నాయి.
స్త్రీ 2 లో తమన్నా ఐటెం సాంగ్ లో కనిపించనుండగా మరో బాలీవుడ్ చిత్రం “వేద” లో తమన్నా ముఖ్య పాత్ర చేసినట్టుగా తెలుస్తుంది. ఈ సినిమా తెలుగులో కూడా విడుదల కాబోతుండగా బాలీవుడ్ యాక్షన్ హీరో జాన్ అబ్రహం ఈ చిత్రంలో హీరోగా నటించారు. అలాగే శర్వరి వాఘ్ హీరోయిన్ గా నటించింది. మరి ఈ చిత్రంలో తమన్నా అయితే ముఖ్య పాత్రలో షైన్ అవ్వనుందట. సో ఇలా రెండు సినిమాల్లో తమన్నా ఒకే రోజు థియేటర్స్ లో కనిపించి ఫ్యాన్స్ కి డబుల్ ట్రీట్ ఇవ్వనుంది అని చెప్పాలి.
