స్టార్ బ్యూటీ అనుష్క శెట్టి నటిస్తున్న లేటెస్ట్ మూవీ ‘ఘాటి’ ప్రేక్షకుల్లో మంచి బజ్‌ని క్రియేట్ చేసింది. అనుష్క నుండి వస్తున్న ఈ కొత్త సినిమా ఆమెకు బాక్సాఫీస్ దగ్గర ఎలాంటి విజయాన్ని అందిస్తుందా అని అందరూ ఆసక్తిగా చూస్తున్నారు. అయితే, చాలా రోజుల తరువాత అనుష్క చేస్తున్న లేడీ ఓరియెంటెడ్ మూవీ కావడంతో ఈ సినిమాపై అభిమానులు కాన్ఫిడెంట్‌గా ఉన్నారు.

ఇక అనుష్క శెట్టి పుట్టినరోజైన నవంబర్ 7న ‘ఘాటి’ సినిమా నుండి వరుస అప్డేట్స్ ఇచ్చేందుకు మేకర్స్ రెడీ అయ్యారు. ఈ సినిమా నుండి ఏకంగా రెండు ట్రీట్స్ ఇస్తున్నట్లు చిత్ర యూనిట్ వెల్లడించింది. ఈ సినిమాకు సంబంధించిన ఫస్ట్ లుక్ పోస్టర్‌ను ఉదయం 9.45 గంటలకు రిలీజ్ చేస్తున్నట్లు.. అలాగే ఈ చిత్రానికి సంబంధించిన వీడియో గ్లింప్స్‌ని సాయంత్రం 4.05 గంటలకు రిలీజ్ చేస్తున్నట్లు మేకర్స్ వెల్లడించారు.

దీంతో అనుష్క శెట్టి ఫ్యాన్స్ ఆమె బర్త్‌డే ట్రీట్స్ కోసం ఆసక్తిగా ఎదురుచూస్తున్నారు. ఈ సినిమాలో అనుష్క ఓ తల్లి పాత్రలో నటిస్తుందని చిత్ర యూనిట్ చెబుతోంది. ఇక ఈ సినిమాను దర్శకుడు క్రిష్ జాగర్లమూడి డైరెక్ట్ చేస్తుండటంతో ఈ మూవీ కంటెంట్‌పై అభిమానులు పూర్తి ధీమాగా ఉన్నారు. ఈ చిత్రాన్ని వీలైనంత త్వరగా రిలీజ్ చేసేందుకు చిత్ర యూనిట్ రెడీ అవుతోంది.