మోలీవుడ్ యంగ్ అండ్ టాలెంటడ్ హీరో దుల్కర్ సల్మాన్ కి మన తెలుగులో కూడా మంచి ఆదరణ ఉన్న సంగతి తెలిసిందే. తెలుగులో తాను హీరోగా చేసిన మొదటి చిత్రం “సీతారామం” పెద్ద హిట్ గా నిలవగా ఈ చిత్రం తర్వాత తాను మరిన్ని తెలుగు సినిమాలు చేయడం మొదలు పెట్టాడు. అయితే ఈ చిత్రాల్లో లేటెస్ట్ గా దర్శకుడు వెంకీ అట్లూరితో “లక్కీ భాస్కర్” చేస్తున్నాడు. ఇక ఈ చిత్రం తర్వాత తన నెక్స్ట్ సినిమా అనౌన్స్ అయ్యింది.
యువ దర్శకుడు పవన్ సాధినేని కాంబినేషన్ లో “ఆకాశంలో ఒక తార” అంటూ ఇంట్రెస్టింగ్ టైటిల్ తో అనౌన్స్ చేశారు. మరి ఈ సినిమా సంబంధించి దుల్కర్ సల్మాన్ పై సింపుల్ ఫస్ట్ లుక్ పోస్టర్ కూడా దింపారు. మరి ఈ చిత్రాన్ని స్వప్న సినిమాస్, లైట్ బాక్స్ మీడియా అలాగే గీతా ఆర్ట్స్ వారు సంయుక్తంగా నిర్మాణం వహిస్తుండగా ఈ చిత్రాన్ని తెలుగు, మళయాళం, హిందీ, తమిళ్ భాషల్లో రిలీజ్ చేస్తున్నట్టుగా కన్ఫర్మ్ చేశారు. మరి మరిన్ని డీటెయిల్స్ ముందు ముందు రానున్నట్టుగా తెలిపారు.