ప్రముఖ నిర్మాత డివివి దానయ్య పవర్ స్టార్ పవన్ కళ్యాణ్ ఫ్యాన్స్‌కి అదిరిపోయే న్యూస్ చెప్పారు. న్యాచురల్ స్టార్ నాని నటించిన ‘సరిపోదా శనివారం’ చిత్ర ప్రమోషన్స్‌లో భాగంగా తాజాగా ప్రెస్ మీట్ నిర్వహించారు చిత్ర యూనిట్. ఈ సందర్భంగా చిత్ర నిర్మాత డివివి దానయ్య మాట్లాడారు.
‘సరిపోదా శనివారం’ చిత్రం అన్ని వర్గాల ప్రేక్షకులను పూర్తిగా అలరిస్తుందని.. ఈ సినిమాతో నాని బాక్సాఫీస్ దగ్గర మరో సెన్సేషనల్ హిట్ కొడుతున్నాడని దానయ్య అన్నారు. ఈ సందర్భంగా నాని పవన్ కళ్యాణ్ ‘ఓజి’ గురించి అప్డేట్ చెప్పాల్సిందిగా కోరారు. దీంతో ‘ఓజి’ చిత్ర షూటింగ్ త్వరలోనే తిరిగి ప్రారంభం అవుతుందని.. రిలీజ్ కూడా త్వరలోనే ఉంటుందని దానయ్య తెలిపారు.
దీంతో పవన్ కళ్యాణ్ ఫ్యాన్స్ సంతోషం వ్యక్తం చేస్తున్నారు. ఇక ‘సరిపోదా శనివారం’ మూవీలో అందాల భామ ప్రియాంక మోహన్ హీరోయిన్‌గా నటిస్తుండగా, ఎస్.జె.సూర్య విలన్‌గా నటిస్తున్నాడు. ఈ సినిమాను వివేక్ ఆత్రేయ డైరెక్ట్ చేస్తుండగా, జేక్స్ బిజాయ్ సంగీతం అందిస్తున్నాడు.