మాస్ మహారాజా రవితేజ హీరోగా కావ్య థాపర్, అనుపమ పరమేశ్వరన్ హీరోయిన్స్ గా యువ దర్శకుడు కార్తీక్ ఘట్టమనేని దర్శకత్వంలో తెరకెక్కుతున్న లేటెస్ట్ మూవీ ఈగిల్. ఈ మూవీని పీపుల్స్ మీడియా ఫ్యాక్టరీ సంస్థ పై టిజి విశ్వప్రసాద్, వివేక్ కూచిభొట్ల గ్రాండ్ లెవెల్లో నిర్మిస్తుండగా దవ్ జంద్ సంగీతం అందిస్తున్నారు.
ఇప్పటికే ఈగిల్ నుండి రిలీజ్ అయిన ఫస్ట్ సాంగ్, టీజర్ అందరినీ ఆకట్టుకోగా మూవీ యొక్క థియేట్రికల్ ట్రైలర్ ని డిసెంబర్ 20న సాయంత్రం 4 గం. 5 ని. లకు రిలీజ్ చేయనున్నట్లు నిన్న మేకర్స్ ప్రకటించారు. అయితే ట్రైలర్ రిలీజ్ టైం పై లేటెస్ట్ అప్ డేట్ అందించిన మేకర్స్, దానిని సాయంత్రం 5 గం. 4 ని. లకు రిలీజ్ చేయబోతున్నట్లు తెలిపారు. కాగా రవితేజ ఫ్యాన్స్ తో పాటు నార్మల్ ఆడియన్స్ లో కూడా ఎన్నో అంచనాలున్న ఈ యాక్షన్ థ్రిల్లింగ్ మూవీ సంక్రాంతి కానుకగా జనవరి 13న ఆడియన్స్ ముందుకి రానుంది.