తెలుగు సినీ పరిశ్రమలో తనకంటూ ప్రత్యేక గుర్తింపు తెచ్చుకున్న స్టార్ హీరోలలో మాస్ మహారాజ రవితేజ ఒకరు. రవితేజ వరుస సినిమాలతో ప్రేక్షకులను అలరిస్తూనే ఉన్నారు. రవితేజ చివరిసారిగా ఈగల్ చిత్రంలో కనిపించారు. ఈ చిత్రం బాక్సాఫీస్ వద్ద అంతగా వసూళ్లను రాబట్టలేదు. ఈ చిత్రం డిజిటల్ ప్రీమియర్ గా ప్రైమ్ వీడియో లో, ఈటీవీ విన్ లో అందుబాటులోకి వచ్చి, ప్రేక్షకులను అలరిస్తుంది. తాజాగా మరొక ఓటిటి ప్లాట్ ఫామ్ లోకి సినిమా అందుబాటులోకి వచ్చింది.
Sun NXT లో ఈ చిత్రం స్ట్రీమింగ్ కి అందుబాటులో ఉంది. అయితే ఈ చిత్రం శాటిలైట్ హక్కులపై అధికారిక ప్రకటన రావాల్సి ఉంది. ఈటీవీ ఈ చిత్రం యొక్క శాటిలైట్ హక్కులను సొంతం చేసుకున్నట్లు సమాచారం. ఇక ఈ చిత్రంలో కావ్య థాపర్, అనుపమ పరమేశ్వరన్, వినయ్ రాయ్, నవదీప్ తదితరులు కీలక పాత్రల్లో నటించారు. మాస్ మహారాజ రవితేజ తదుపరి మిస్టర్ బచ్చన్ చిత్రంలో కనిపించనున్నారు. ఈ చిత్రంపై అందరిలో ఆసక్తి నెలకొంది.