ప్రస్తుతం ఓటిటి మాధ్యమాల్లో పలు వెబ్ సిరీస్ లు ఆడియన్స్ మనసు దోచి మంచి సక్సెస్ తో దూసుకెళ్తున్నాయి. ఇక ఇటీవల జీ 5 ఓటిటి వారు పులి మేక, అహ నా పెళ్లంట, మరియు వ్యవస్థ వంటి తెలుగు సిరీస్ లతో సక్సెస్ లు అందుకున్నారు. ఇక తాజాగా వారి ఓటిటి ప్లాట్‌ఫారమ్ ద్వారా మాయా బజార్ పేరుతో మరో తెలుగు వెబ్ షో ప్రసారానికి సిద్ధంగా ఉంది. ఫర్ సేల్ అనేది ట్యాగ్‌లైన్. ఇందులో యువ నటి ఈషా రెబ్బా ప్రధాన పాత్రలో నటిస్తోంది.
దీనికి ముందు ఈషా రెబ్బా తెలుగులో రెండు వెబ్ షోలు చేసింది. తమ డిజిటల్ ప్లాట్‌ఫారమ్ లో ఈ సిరీస్ జూలై 14 నుండి స్ట్రీమింగ్‌కు అందుబాటులో ఉంటుందని జీ 5 ప్రకటించింది. అలానే మాయాబజార్ తారాగణాన్ని చూపించే మోషన్ పోస్టర్ కూడా విడుదల చేసారు. నరేష్, అదితి మైకల్, రవివర్మ, ఝాన్సీ, చరణ్, హరి తేజ, సునైనా బాదం, రాజా చెంబోలు, అసుర్ ఫేమ్ మెయియాంగ్ చాంగ్ ఇందులో కీలక పాత్రలు పోషిస్తున్నారు. పోష్ పోరిస్, మన ముగ్గురి లవ్ స్టోరీ చిత్రాల రచయిత్రి గౌతమి చల్లగుల్లా ఈ సిరీస్‌తో దర్శకురాలిగా పరిచయం అవుతున్నారు. మరి ఈ సిరీస్ ఎంతవరకు ఆడియన్స్ ని అలరిస్తుందో చూడాలి.
