నందమూరి నటసింహం బాలయ్య – దర్శకుడు బాబీ కాంబినేషన్‌ లో “డాకు మహారాజ్” సినిమా రాబోతున్న సంగతి తెలిసిందే. ఈ సినిమా జనవరి 12, 2025న గ్రాండ్ రిలీజ్‌కి సిద్ధంగా ఉంది. విడుదల తేదీ దగ్గర పడుతున్న తరుణంలో.. ఈ సినిమాకి సంబంధించిన ప్రమోషన్స్ ను వేగవంతం చేయాలని, సినిమా అప్ డేట్స్ ను రివీల్ చేయాలని అభిమానులు కోరుకుంటున్నారు. ముఖ్యంగా సినిమా పై బజ్‌ని మరింతగా పెంచేలా సాంగ్స్ రిలీజ్ విషయంలో జాగ్రత్తలు తీసుకోవాలని, అన్నిటికంటే ముఖ్యంగా ఈ సినిమా ట్రైలర్ విషయంలోనూ ప్రత్యేక జాగ్రత్తలు తీసుకుని, త్వరగా సాలిడ్ ప్రమోషన్స్ ను స్టార్ట్ చేయాలని అభిమానులు మేకర్స్‌ను కోరుతున్నారు.
ఇక ఈ చిత్రం నుంచి రీసెంట్ గా వచ్చిన సాలిడ్ టైటిల్ టీజర్ అద్భుతంగా ఆకట్టుకుంది. సాంగ్స్ అండ్ ట్రైలర్ కూడా అదే స్థాయిలో ఉండాలని ఫ్యాన్స్ కోరిక. అన్నట్టు ఈ మూవీ కచ్చితంగా బాలయ్య ఫ్యాన్స్ కి ఫుల్ మీల్స్ ఇచ్చేలా దర్శకుడు బాబీ ఈ చిత్రాన్ని తీర్చిదిద్దుతున్నారట. సితార ఎంటర్‌టైన్‌మెంట్స్‌ పతాకంపై నాగ వంశీ, ఫార్చూన్‌ ఫోర్ సినిమాపై సాయి సౌజన్య ఈ సినిమాని నిర్మిస్తున్నారు. చాందినీ చౌదరి, ఊర్వశీ రౌతేలా ఈ సినిమాలో కీలక పాత్రల్లో నటిస్తున్నారు. ఇక ఈ చిత్రానికి తమన్ సంగీతం అందిస్తుండగా బాబీ డియోల్ మరో కీలక పాత్రలో నటిస్తున్నాడు.