మ్యాన్ ఆఫ్ మాసెస్ జూ.ఎన్టీఆర్ నటిస్తున్న తాజా చిత్రం ‘దేవర’ ఇప్పటికే ప్రేక్షకుల్లో ఎలాంటి బజ్‌ను క్రియేట్ చేసిందో అందరికీ తెలిసిందే. ఈ సినిమాను స్టార్ డైరెక్టర్ కొరటాల శివ తెరకెక్కిస్తుండటంతో ఈ మూవీ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా ఎదురుచూస్తున్నారు. ఇక ఈ సినిమాలో తారక్ గెటప్‌తో ఈ సినిమాపై అంచనాలు పీక్స్‌కు చేరుకున్నాయి. దీనికి తోడు ఇప్పటికే రిలీజ్ అయిన ‘ఫియర్ సాంగ్’ ఈ అంచనాలను అమాంతం పెంచేశాయి.
గతకొద్ది రోజులుగా ఈ సినిమాలోని సెకండ్ సాంగ్ కోసం తెగ చర్చ సాగుతోంది. కానీ, మేకర్స్ నుంచి మాత్రం ఎలాంటి అప్డేట్ రాలేదు. దీంతో అభిమానులు ఈ సినిమాలోని సెకండ్ సాంగ్ ఎప్పుడెప్పుడు రిలీజ్ అవుతుందా అని ఆసక్తిగా చూస్తున్నారు. అయితే, వారందరికీ దేవర మేకర్స్ తాజాగా ఓ ఊరటనిచ్చే ట్వీట్ చేశారు. దేవర మూవీ సెకండ్ సాంగ్‌కు అభిమానులు కొద్ది రోజులు వెయిట్ చేస్తే చాలంటూ వారు ట్వీట్ చేశారు.
దీంతో అభిమానుల్లో ఈ పాటపై మరింత క్రేజ్ ఏర్పడింది. ఇక ఈ సినిమా నుంచి ఎట్టకేలకు ఓ అప్డేట్ అయితే రావడంతో ఫ్యాన్స్ సంతోషం వ్యక్తం చేస్తున్నారు. ఇక ఈ సినిమాలో అందాల భామ జాన్వీ కపూర్ హీరోయిన్‌గా నటిస్తోండగా బాలీవుడ్ నటుడు సైఫ్ అలీ ఖాన్ విలన్ పాత్రలో నటిస్తున్నాడు. అనిరుధ్ రవిచందర్ సంగీతం అందిస్తున్న ఈ సినిమాను సెప్టెంబర్ 27న వరల్డ్‌వైడ్‌గా గ్రాండ్ రిలీజ్ చేసేందుకు మేకర్స్ రెడీ అవుతున్నారు.
Few days ❤️ https://t.co/2zFvVYpNg4
— Devara (@DevaraMovie) July 30, 2024