మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా దర్శకుడు కొరటాల శివ తెరకెక్కించిన భారీ పాన్ ఇండియా చిత్రం “దేవర” కోసం అందరికీ తెలిసిందే. మరి బిగ్ స్క్రీన్స్ మీద ఈ చిత్రం పాన్ ఇండియా భాషల్లో రిలీజ్ కి వస్తే ఓటిటిలో ఇపుడు గ్లోబల్ భాషల్లో అందుబాటులోకి వచ్చింది. అయితే పలు చిత్రాలకి హిందీ వెర్షన్ రీచ్ బాగా వెళ్తుంది అని తెలిసిందే.
ఎన్టీఆర్ నటించిన RRR కూడా హిందీ వెర్షన్ లో వచ్చాకే గ్లోబల్ రీచ్ ని సొంతం చేసుకుంది. ఇక దేవర సినిమాని హిందీ కంటే ముందే పలు విదేశీ భాషల్లో నెట్ ఫ్లిక్స్ వారు రిలీజ్ చేయగా ఇపుడు ఫైనల్ గా ఈ సినిమా హిందీ వెర్షన్ ని కూడా అందుబాటులోకి తీసుకొచ్చేసారు. ఇదే నెట్ ఫ్లిక్స్ లో నేటి నుంచి దేవర హిందీలో కూడా స్ట్రీమింగ్ అవుతుంది. మరి హిందీ ఆడియెన్స్ నుంచి ఎలాంటి రెస్పాన్స్ వస్తుందో చూడాల్సిందే. ఇక ఈ చిత్రానికి అనిరుద్ సంగీతం అందించగా సైఫ్ అలీఖాన్ విలన్ గా నటించిన సంగతి తెలిసిందే.