నటసింహం నందమూరి బాలకృష్ణ ప్రస్తుతం ఇటు సినిమాలతో పాటు అటు రాజకీయాల్లో కూడా బిజీ బిజీగా కొనసాగుతున్న సంగతి తెలిసిందే. ఇక తన కెరీర్ లో తొలిసారిగా ఆహా ఒటిటి మద్యమంలో అన్ స్టాపబుల్ విత్ ఎన్ బి కె షో ద్వారా బుల్లితెర ఆడియన్స్ ముందుకి వచ్చి తనదైన ఆకట్టుకునే హోస్టింగ్ టాలెంట్ తో అదరగొడుతున్నారు బాలకృష్ణ.
ఇప్పటికే సక్సెస్ఫుల్ గా పలు ఎపిసోడ్స్ పూర్తి చేసుకున్న ఈ తాజా సీజన్ 2 యొక్క లేటెస్ట్ ఎపిసోడ్ కి పవర్ స్టార్ పవన్ కళ్యాణ్ ప్రత్యేక గెస్ట్ గా విచ్చేయగా దానిని రెండు భాగాలుగా ప్రసారం చేయడనికి సిద్ధం అయ్యారు ఆహా వారు. అందులో భాగంగా నేడు రాత్రి 9 గంటలకు మొదటి భాగాన్ని ఆహా లో ప్రసారం చేసారు.
ఇక ఈ మొదటి భాగంలో ముఖ్యంగా బాలకృష్ణ, పవన్ కళ్యాణ్ ల మధ్య పలు సరదా సరదా సంభాషణలు అలానే పవన్ లైఫ్ లోని కొన్ని కీలక విషయాలు ఇందులో ప్రధానంగా చెప్పడం జరిగింది. ఇక పవన్ తో పాటు సాయి ధరమ్ తేజ్ కూడా పాల్గొన్న ఈ భాగం ప్రస్తుతం భారీ రెస్పాన్స్ తో కొనసాగుతోంది.
