మన టాలీవుడ్ ఎవర్ గ్రీన్ మన్మథుడు అక్కినేని నాగార్జున క్లాస్ సినిమాల తోనే కాకుండా తన కెరీర్ లో పలు సాలిడ్ మాస్ సినిమాలు కూడా చేసారు. మరి వాటిలో సెన్సేషనల్ హిట్ అయినవి కూడా చాలానే ఉన్నాయి. అయితే ఈ చిత్రాల్లో తన కెరీర్ ఆరంభంలోనే కొట్టిన సెన్సేషనల్ ఇండస్ట్రీ హిట్ సినిమా “శివ” ని ఎవరూ మర్చిపోలేరు. దర్శకుడు రామ్ గోపాల్ వర్మ తెరకెక్కించిన ఈ మ్యాడ్ మాస్ డ్రామా రికార్డులు కొల్లగొట్టింది.
అయితే ఎప్పుడు నుంచో ఈ సినిమా రీరిలీజ్ కోసం ఆసక్తిగా ఎదురు చూస్తుండగా ఫైనల్ గా ఇప్పుడు శివ రీ రిలీజ్ కి రానుంది అని తెలుస్తోంది. మరి ఈ ఆగస్ట్ 29 కింగ్ నాగ్ బర్త్ డే కానుకగా అయితే రీ రిలీజ్ కి తీసుకొస్తున్నట్టుగా టాక్. ఇక ఈ చిత్రంలో అమల హీరోయిన్ గా నటించగా శుభలేఖ సుధాకర్, రఘువరన్, తనికెళ్ళ భరణి తదితరులు నటించారు. అలాగే మాస్ట్రో ఇళయరాజా ఎవర్ గ్రీన్ మ్యూజిక్ ఆల్బమ్ ఈ చిత్రానికి అందించారు..
