మాస్ మహారాజా రవితేజ హీరోగా శ్రీలీల హీరోయిన్ గా త్రినాథరావు నక్కిన దర్శకత్వంలో పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థల పై తెరకెక్కిన లేటెస్ట్ యాక్షన్ కమర్షియల్ ఎంటర్టైనర్ మూవీ ధమాకా. రవితేజ చాలా గ్యాప్ తరువాత మంచి మాస్ పవర్ఫుల్ ఎంటర్టైనర్ పాత్రలో నటించిన ఈ మూవీకి భీమ్స్ సిసిరోలియో సంగీతం అందించగా కీలక పాత్రల్లో రావు రమేష్, హైపర్ ఆది, సచిన్ ఖేడేకర్, తనికెళ్ళ భరణి, తులసి, జయరాం తదితరులు నటించారు.
మొదటి నుండి అందరిలో భారీ అంచనాలు ఏర్పరిచిన ఈ మూవీ డిసెంబర్ 23న ప్రేక్షకుల ముందుకి వచ్చి బాక్సాఫీస్ దగ్గర పెద్ద సక్సెస్ అందుకున్న విషయం తెల్సిందే. ఆద్యంతం ఆకట్టుకునే కథ, కథనాలతో దర్శకడు త్రినాధరావు ఈ మూవీని తెరకెక్కించారు. అయితే విషయం ఏమిటంటే, నేడు కొద్దిసేపటి క్రితం ఈ మూవీ ఫైనల్ గా ఒటిటి ఆడియన్స్ ముందుకి వచ్చేసింది. ప్రముఖ ఓటిటి సంస్థ నెట్ ఫ్లిక్స్ లో ధమాకా ప్రస్తుతం మంచి క్రేజ్ తో ప్రసారం అవుతోంది. మరి ఈ మూవీ రాబోయే రోజుల్లో ఎంత మేర ఓటిటి ఆడియన్స్ ని ఆకట్టుకుంటుందో చూడాలని అంటున్నారు సినీ విశ్లేషకులు.