ఓటిటిలో ఫైనల్ గా సేనాపతి పాన్ ఇండియా ఎంట్రీ.!

లోకనాయకుడు కమల్ హాసన్ హీరోగా మావెరిక్ దర్శకుడు శంకర్ కాంబినేషన్ లో చేసిన లేటెస్ట్ భారీ చిత్రమే “ఇండియన్ 2”. మరి వీరి కాంబినేషన్ లో వచ్చిన సెన్సేషనల్ ఇండస్ట్రీ హిట్ చిత్రం “ఇండియన్” కి సీక్వెల్ గా తెరకెక్కిస్తున్న సినిమా ఇది కాగా పలు ఇబ్బందులు నడుమే విడుదలకి వచ్చింది. అయితే ఈ చిత్రం అనుకున్న రేంజ్ లో హిట్ కాలేదు.

ఇలా తెలుగులో “భారతీయుడు 2” అలాగే హిందీలో “హిందుస్తానీ 2” గా కూడా ఈ చిత్రం వచ్చింది. అయితే గత వారమే ఈ చిత్రం ఓటిటిలో ఇండియన్ 2, భారతీయుడు గా సౌత్ భాషల్లో అందుబాటులోకి వచ్చేసింది. ఇక ఇపుడు ఫైనల్ గా పాన్ ఇండియా ఎంట్రీ ఇచ్చింది అని చెప్పాలి. నేటి నుంచి నెట్ ఫ్లిక్స్ లో ఈ చిత్రం హిందీలో కూడా యాడ్ చేయడంతో సేనాపతి పాన్ ఇండియా ఎంట్రీ జరిగింది అని చెప్పాలి.

మరి హిందీలో కూడా చూడాలి అనుకునేవారు నేటి నుంచి ఓటిటిలో స్ట్రీమ్ చేయవచ్చు. ఇక ఈ చిత్రంలో సిద్ధార్థ్, రకుల్ ప్రీత్ సింగ్, ప్రియా భవాని శంకర్ తదితరులు నటించగా అనిరుద్ సంగీతం అందించాడు. అలాగే అనిరుద్ సంగీతం అందించాడు అలాగే లైకా ప్రొడక్షన్స్ వారు నిర్మాణం వహించారు.