కోలీవుడ్ ప్రముఖ కమెడియన్ టర్న్డ్ హీరో అయినటువంటి సూరి హీరోగా చేసిన తన మొదటి చిత్రం “విడుదలై” కోసం తెలిసిందే. కోలీవుడ్ స్టార్ దర్శకుడు వెట్రిమారన్ తెరకెక్కించిన ఈ ఇంటెన్స్ థ్రిల్లర్ చిత్రంలో మక్కల్ సెల్వన్ విజయ్ సేతుపతి ముఖ్య పాత్రలో నటించగా ఈ చిత్రం తమిళ్ సహా తెలుగులో కూడా మంచి హిట్ అయ్యింది.
అయితే ఈ సినిమాకి రెండో భాగం “విడుదలై పార్ట్ 2” అయితే ఎప్పుడో రావాల్సింది కానీ అలా ఆలస్యం అవుతూ వచ్చింది. మరి ఫైనల్ గా ఈ సినిమా ఫస్ట్ లుక్ కి ఇపుడు రంగం సిద్ధం అయింది. ఈ సినిమా ఫస్ట్ లుక్ ని ఈ జూలై 17 న రిలీజ్ చేస్తున్నట్టుగా ఇప్పుడు మేకర్స్ కన్ఫర్మ్ చేశారు. అలాగే రేపు ఉదయం 11 గంటల 30 నిమిషాలకి అయితే ఈ ఫస్ట్ లుక్ ని విడుదల చేస్తున్నట్టుగా తెలిపారు.
మరి ఈ లుక్ అయితే ఎలా ఉంటుందో చూడాలి. మరి రీసెంట్ గా కొన్నాళ్ల కితం విడుదలై 2 ని ఒక ఇంటర్నేషనల్ ఫిలిం ఫెస్టివల్ లో స్పెషల్ ప్రీమియర్ వేయగా దానికి అనూహ్య స్పందన వచ్చినట్టుగా తెలిపారు. దీనితో ఈ సినిమా లేట్ అయినా కూడా మంచి అంచనాలు సెట్ చేసుకుంది. ఇక ఈ సినిమాకి మ్యాస్ట్రో ఇళయరాజా సంగీతం అందిస్తుండగా రెడ్ జెయింట్ మూవీస్, గ్రాస్ రూట్ ఫిలిం కంపెనీ, ఆర్ ఎస్ ఇన్ఫోటైన్మెంట్ వారు నిర్మాణం వహిస్తున్నారు.