టాలీవుడ్ స్టార్ హీరో విక్టరీ వెంకటేష్ నటిస్తున్న లేటెస్ట్ మూవీ ‘సంక్రాంతికి వస్తున్నాం’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను సక్సె్స్ చిత్రాల దర్శకుడు అనిల్ రావిపూడి తెరకెక్కిస్తుండటం… వెంకటేష్-అనిల్ రావిపూడి కాంబినేషన్‌లో మూడో సినిమాగా ఇది వస్తుండటంతో ప్రేక్షకుల్లో ఈ మూవీపై మంచి అంచనాలు క్రియేట్ అయ్యాయి. ఇక ఈ సినిమా నుండి మేకర్స్ తాజాగా ఓ సాలిడ్ అప్డేట్ ఇచ్చారు.
‘సంక్రాంతికి వస్తున్నాం’ మూవీ నుండి ఫస్ట్ సింగిల్ సాంగ్‌గా ‘గోదారి గట్టు’ అనే పాటను రిలీజ్ చేయబోతున్నట్లు వారు తెలిపారు. ఈ పాట లిరికల్ వీడియోను డిసెంబర్ 3న రిలీజ్ చేస్తున్నట్లు చిత్ర యూనిట్ తాజాగా ఓ పోస్టర్ ద్వారా వెల్లడించారు. ఇక ఈ పాటను రమణ గోగుల పాడటం విశేషం. చాలా ఏళ్ల గ్యాప్ తరువాత రమణ గోగుల వెంకటేష్ సినిమాకు పాట పాడుతున్నారు. ఆయనతో పాటు మధుప్రియ కూడా ఈ పాటను పాడింది.
భీమ్స్ సిసిరోలియో సంగీతం అందిస్తున్న ఈ సినిమాలో వెంకటేష్ సరసన అందాల భామలు మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. ఈ సినిమాను దిల్ రాజు, శిరీష్ ప్రొడ్యూస్ చేస్తుండగా, సంక్రాంతి కానుకగా ఈ సినిమాను జనవరి 14న గ్రాండ్ రిలీజ్ చేయనున్నారు.
