ఉస్తాద్ రామ్ హీరోగా యువ భామ కృతి శెట్టి హీరోయిన్ గా కోలీవుడ్ స్టార్ డైరెక్టర్ లింగుస్వామి దర్శకత్వంలో తెరకెక్కిన లేటెస్ట్ మాస్ యాక్షన్ కమర్షియల్ మూవీ ది వారియర్. శ్రీనివాస సిల్వర్ స్క్రీన్ బ్యానర్ పై శ్రీనివాస్ చిట్టూరి నిర్మాతగా మొదటి నుండి అందరిలో మంచి అంచనాలు ఏర్పరిచిన ఈ మూవీ రిలీజ్ తరువాత మాత్రం బాక్సాఫీస్ దగ్గర యావరేజ్ విజయాన్ని మాత్రమే అందుకుంది.

ఇక ఈ మూవీని ఇటీవల స్టార్ మా ఛానల్ లో ఫస్ట్ టైం వరల్డ్ టెలివిజన్ ప్రీమియర్ గా ప్రసారం చేయగా మూవీ ఆడియన్స్ ని ఆకట్టుకుని 10.02 టిఆర్పి రేటింగ్ ని సొంతం చేసుకుంది. ఇక ఇటీవల బుల్లితెరపై ప్రదర్శితమైన సినిమాల్లో ఇది హైయెస్ట్ కాగా 2022లో టాప్ టిఆర్పి రేటింగ్ అందుకున్న మూవీస్ లో 4వ స్థానాన్ని దక్కించుకుంది. మొత్తంగా తమ సినిమా బుల్లితెర ఆడియన్స్ ని ఆకట్టుకుని మంచి టిఆర్పి రేటింగ్ సొంతం చేసుకున్నందకు ది వారియర్ యూనిట్ ఆనందం వ్యక్తం చేస్తోంది.