విక్టరీ వెంకటేష్ ప్రస్తుతం కమర్షియల్ డైరెక్టర్ అనిల్ రావిపూడి దర్శకత్వంలో “‘సంక్రాంతికి వస్తున్నాం” అనే సినిమా చేస్తున్న సంగతి తెలిసిందే. ప్రస్తుతం చివరి షెడ్యూల్ షూటింగ్ అరకులో జరుపుకుంటోంది. ఇప్పటికే, ఈ సినిమా పోస్ట్ ప్రొడక్షన్ వర్క్ కూడా శరవేగంగా జరుగుతుంది. ఈ క్రమంలోనే ఈ షెడ్యూల్ పూర్తి అవ్వగానే వెంకటేష్ – ఐశ్వర్య రాజేష్ తమ డబ్బింగ్ పార్ట్ ను పూర్తి చేస్తారట. ఫ్యామిలీ డ్రామాగా వస్తున్న ఈ సినిమాలో ఫుల్ ఫన్ ఎలిమెంట్స్ ఉంటాయట.
దర్శకుడు అనిల్ రావిపూడి సెకండ్ హాఫ్ ను ఫుల్ ఎంటర్టైన్మెంట్ గా ప్లాన్ చేశాడని.. ముఖ్యంగా వెంకీ – హీరోయిన్స్ మధ్యలో వచ్చే కన్ ఫ్యూజ్ డ్రామా ఫుల్ ఫన్ తో సాగుతుందని తెలుస్తోంది. ఇక ఈ చిత్రంలో మీనాక్షి చౌదరి, ఐశ్వర్య రాజేష్ కథానాయికలుగా నటిస్తున్నారు. ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్ రాజు నిర్మిస్తున్నారు. ఈ సినిమాలో ఉపేంద్ర లిమాయే, రాజేంద్ర ప్రసాద్, సాయి కుమార్, నరేష్ కీలక పాత్రలు పోషిస్తున్నారు.
