‘అల్లు అర్జున్’ బాక్సాఫీస్ దగ్గర కూడా తాను ఐకాన్ స్టారే అని ‘ ‘పుష్ప 2 ది రూల్’తో మళ్లీ ప్రూవ్ చేసుకున్నాడు. ఈ సినిమా బాక్సాఫీస్‌ను షేక్ చేస్తూ ప్రపంచవ్యాప్తంగా అద్భుతంగా కలెక్షన్స్ ను రాబట్టింది. ఈ నేపథ్యంలో ఇప్పుడు బన్నీ తర్వాత చేయబోయే సినిమా పై అంచనాలు విపరీతంగా పెరిగాయి. అల్లు అర్జున్, త్రివిక్రమ్ శ్రీనివాస్‌ తో తన కొత్త ప్రాజెక్ట్ ను ఇప్పటికే అధికారికంగా ప్రకటించారు. కాగా ఈ సినిమా ఎప్పుడు స్టార్ట్ అవుతుంది ?, ఎప్పుడు రిలీజ్ కాబోతుంది అంటూ ఫ్యాన్స్ ఆసక్తిగా ఎదురుచూస్తున్నారు.
‘బన్నీ – త్రివిక్రమ్’ సినిమాకి సంబంధించి నిర్మాత నాగవంశీ తాజాగా ఇచ్చిన ఇంటర్వ్యూలో క్లారిటీ ఇచ్చారు. ప్రస్తుతం త్రివిక్రమ్ స్క్రిప్ట్ ఫినిష్ చేసే పనిలో ఉన్నారని, త్వరలో బన్నీ కూడా త్రివిక్రమ్ తో కూర్చుంటారని.. పాత్ర గెటప్ అండ్ సెటప్ విషయంలో చర్చ జరుపుతారని.. ఇక షూటింగ్ ను 2025 మిడ్ లో స్టార్ట్ చేసి.. 2026 ఎండింగ్ లో సినిమాని రిలీజ్ చేయాలని ప్లాన్ చేసినట్లు నాగవంశీ చెప్పుకొచ్చారు.
కాగా జులాయి, సన్ ఆఫ్ సత్యమూర్తి, మరియు అల వైకుంఠపురములో వంటి సూపర్ హిట్‌ల తర్వాత, అల్లు అర్జున్ – త్రివిక్రమ్ మరోసారి జత కట్టారు. హారిక & హాసిని క్రియేషన్స్ మరియు గీతా ఆర్ట్స్ కలిసి ఈ భారీ బడ్జెట్ చిత్రాన్ని నిర్మించనున్నాయి. ఈ సినిమాకి సంగీత దర్శకుడు థమన్‌ సంగీతం అదించబోతున్నాడు.
