విరూపాక్ష సినిమాతో దర్శకుడు కార్తీక్ దండు మంచి పేరు తెచ్చుకున్నాడు. ఆ హిట్ ఇచ్చిన కిక్ తోనే అక్కినేని నాగ చైతన్య హీరోగా కార్తీక్ దండు దర్శకత్వంలో ఓ ప్రాజెక్ట్ వస్తున్న సంగతి తెలిసిందే. అందుకే, ఈ సినిమా పై మంచి అంచనాలు ఉన్నాయి. ఐతే, ఇప్పుడు ఈ సినిమాకి సంబంధించి ఓ క్రేజీ రూమర్ వినిపిస్తోంది. కథకు అనుగుణంగా వచ్చే ప్లాష్ బ్యాక్ లో ఓ పవర్ ఫుల్ క్యారెక్టర్ కి స్కోప్ ఉందని, ఈ పాత్రను కింగ్ నాగార్జున చేత చేయిస్తే బాగుంటుందని మేకర్స్ ఫీల్ అవుతున్నారు.
నాగార్జున పాత్ర నిడివి కేవలం పది నిమిషాలు మాత్రమే ఉంటుందని.. అయినప్పటికీ, కథకు చాలా కీలకం అని తెలుస్తుంది. మరి నాగ్ నటిస్తాడో లేదో చూడాలి. అన్నట్టు ఈ చిత్రంలో చైతు లుక్ కూడా చాలా కొత్తగా ఉంటుందని తెలుస్తోంది. మరి నాగ చైతన్య న్యూ మేకోవర్ ఏ స్థాయిలో ఆకట్టుకుంటుందో చూడాలి. ఈ చిత్రాన్ని శ్రీ వెంకటేశ్వర సినీ చిత్ర (SVCC) నిర్మించబోతుంది. కాగా ప్రస్తుతం అక్కినేని నాగ చైతన్య హీరోగా సాయి పల్లవి హీరోయిన్ గా చందూ మొండేటి డైరెక్షన్ లో రాబోతున్న భారీ చిత్రం “తండేల్”.
