బాలయ్య ‘అన్‌ స్టాపబుల్ 2’ షో షూట్ ఇప్పటికే మొదలైన సంగతి తెలిసిందే. మొదటి ఎపిసోడ్ గెస్ట్ గా చంద్రబాబు వచ్చాడు. అయితే, తర్వాత ఎపిసోడ్స్ గెస్ట్ లు ఎవరు వస్తారు అనుకుంటున్న తరుణంలో తాజాగా ఒక ఇంట్రెస్టింగ్ అప్ డేట్ బయటకు వచ్చింది. విశ్వ‌క్ సేన్‌, సిద్దు జొన్నలగడ్డ అన్‌స్టాప‌బుల్ షోకి గెస్ట్ లుగా వచ్చారు. సిద్దు జొన్నలగడ్డ, విశ్వ‌క్‌సేన్‌ల‌తో ఇవాళ అన్న‌పూర్ణ స్టూడియోస్‌లో ఒక ఎపిసోడ్‌ను కూడా షూట్ చేశారని టాక్ నడుస్తోంది.
ఈ ఎపిసోడ్ చాలా ఎంటర్ టైన్ గా సాగిందట. షోలో సిద్దు జొన్నలగడ్డ, విశ్వ‌క్‌సేన్‌ ల పై బాలయ్య ప్రశ్నల వర్షం కురిపించడం చాలా బాగా ఆకట్టుకుందట. ఈ క్రమంలో బాలయ్య కూడా పలు ఆసక్తికర విషయాలు పంచుకున్నారు. అలాగే ఈ హీరోలిద్దరూ కూడా బాలకృష్ణ నుంచి కొన్ని ప్రశ్నలకు సమాధానం తెలుసుకునే ప్రయత్నం చేశారట.