పవర్ స్టార్ పవన్ కళ్యాణ్ హీరోగా నటించిన గబ్బర్ సింగ్ చిత్రం థియేటర్లలోకి మళ్ళీ రాబోతుంది. పవన్ కళ్యాణ్ పుట్టిన రోజు సందర్భంగా సెప్టెంబర్ 2 న థియేటర్ల లోకి రాబోతున్న ఈ చిత్రం కోసం అభిమానులు ఎంతగానో ఎదురు చూస్తున్నారు. ఈ చిత్రం రీ- రిలీజ్ సందర్భంగా మేకర్స్ ప్రెస్ మీట్ ను ప్లాన్ చేస్తున్నారు.
ఈ నెల 31 వ తేదీన ఉదయం 11:00 గంటలకి ఈ ప్రెస్ మీట్ ను నిర్వహించనున్నారు. ఈ ప్రెస్ మీట్ లో ఎలాంటి విషయాలు వెల్లడిస్తారు అనేది అందరిలో ఆసక్తి గా మారింది. స్టార్ హీరోయిన్ శృతి హాసన్ హీరోయిన్ గా నటించిన ఈ బ్లాక్ బస్టర్ మూవీ కి రాక్ స్టార్ దేవి శ్రీ ప్రసాద్ సంగీతాన్ని అందించగా, దర్శకుడు హరీష్ శంకర్ దర్శకత్వం వహించాడు. బండ్ల గణేష్ నిర్మాతగా వ్యవహరించిన ఈ చిత్రం రీ-రిలీజ్ కి ఎలాంటి రెస్పాన్స్ ను సొంతం చేసుకుంటుందో చూడాలి.
