పవర్ స్టార్ పవన్ కళ్యాణ్ హీరోగా, దర్శకుడు హరీష్ శంకర్ దర్శకత్వంలో తెరకెక్కిన మాస్ యాక్షన్ ఎంటర్టైనర్ గబ్బర్ సింగ్. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. బాక్సాఫీస్ వద్ద భారీ వసూళ్లను రాబట్టిన ఈ చిత్రం, బ్లాక్ బస్టర్ గా నిలిచింది. ఈ చిత్రం మరోసారి ప్రేక్షకులను అలరించడానికి రెడీ అయిపోయింది.
సెప్టెంబర్ 2 వ తేదీన పవన్ కళ్యాణ్ పుట్టిన రోజు సందర్భంగా గబ్బర్ సింగ్ రీ – రిలీజ్ కానుంది. ఇందుకు సంబంధించిన అడ్వాన్స్ బుకింగ్స్ ఆగస్టు 22 వ తేదీన మెగాస్టార్ చిరంజీవి బర్త్ డే సందర్భంగా ప్రారంభం కానున్నాయి. ఇదే విషయాన్ని డిస్ట్రిబ్యూటర్స్ సోషల్ మీడియా ద్వారా వెల్లడించారు. గబ్బర్ సింగ్ చిత్రంలో శృతి హాసన్ హీరోయిన్ గా నటించగా, రావు రమేష్, కోట శ్రీనివాస్ రావు, అజయ్ తదితరులు కీలక పాత్రల్లో నటించారు. రాక్ స్టార్ దేవి శ్రీ ప్రసాద్ సంగీతాన్ని అందించాడు.
